Kúndelikli nur, 15-oktyabr: Sen meniń qorǵanımsań, Quday!

Sen meniń qorǵanımsań, Quday!

Zabur 58:10

Jaratqan Iye – jartasım, qorǵanım hám qutqarıwshım, Qudayım meniń qorǵawshı jartasım, Onnan pana tabaman, Ol qalqanım, qúdiretli qutqarıwshım, Ol qorǵanım hám panam, Qutqarıwshım.

2 Patshalar 22:2–3

Jaratqan Iye kúsh-quwatım hám qalqanımdur, Júrekten Oǵan úmit etemen, Ol maǵan járdem berdi, júregim yoshlanar, Qosıqlarım menen Oǵan alǵıs aytaman.

Zabur 27:7

Sebebi Jaratqan Iye Óz demi menen quwǵan, Tasqın suwday bolıp keledi.

Iyshaya 59:19

Sonlıqtan bizler batırlıq penen bılay deymiz: «Jaratqan Iye maǵan járdem beredi, men qorqpayman, Ne qıla aladı adamlar maǵan?»

Evreyler 13:6

Dawıttıń jırı Jaratqan Iye meniń nurım hám qutqarıwshım, Men kimnen qorqaman? Jaratqan Iye ómirimniń qorǵanı, Meni kim qorqıta aladı?

Zabur 26:1

Tawlar Erusalimdi qorshap turǵanınday, Házirden máńgige deyin, Jaratqan Iye Óz xalqın qorshap turıptı.

Zabur 124:2

Sen maǵan járdemshi boldıń, Qanatlarıńnıń sayasında shadlanıp baqıraman.

Zabur 62:8

Óz atıń ushın meni jetele, jol kórset maǵan.

Zabur 30:4

Bizlerge gúna islegenlerdi keshirgenimizdey, Bizlerdiń de gúnalarımızdı keshire gór.

Matta 6:12

Maǵan qarsı gúna islegen tuwısqanıma neshe ret keshirim beriwim kerek? Jeti retke deyin be? – dep soradı. Iysa oǵan: – Saǵan jeti retke deyin emes, al jetpis jerdegi jeti retke deyin keshirim ber, deymen.

Matta 18:21–22

Jawız xızmetshi! Sen maǵan jalınǵanıń sebepli ǵana barlıq qarızıńnan keshken edim. Meniń saǵan rehim etkenimdey, seniń de óz joldasıńa rehim etiwiń tiyis emes pe edi? – depti. Patsha qáhárlenip, ózine beriletuǵın qarızdıń bárin tólep bolmaǵansha, onı jazalawshılardıń qolına tapsırıptı. Eger sizlerdiń hár birińiz tuwısqanıńızdıń gúnasın shın kewlińizden keshirmeseńler, Meniń aspandaǵı Ákem de sizlerge solay isleydi, – dedi.

Matta 18:32–35

Al bir-birińizge miyirman hám jan ashır bolıńlar. Quday sizlerdi Masiyx arqalı keshirgendey, sizler de bir-birińizdi keshirińler.

Efesliler 4:32

Biraq Quday sizlerdi Masiyx penen birge tiriltti. Ol barlıq gúnalarımızdı keshirdi. Muxaddes Nızam talapları boyınsha bizlerge qarsı ayıp taǵıp, húkim belgileytuǵın hújjetti Quday óshirdi hám onı atanaq aǵashqa shegelep, joq qıldı.

Kolosalılar 2:13–14

Iyemizdiń sizlerdi keshirgeni sıyaqlı, sizler de bir-birińizdi keshirińler.

Kolosalılar 3:13