Kúndelikli nur, 12-oktyabr: Kel! – deydi (Ayan 22:17)

Quday Masiyx arqalı dúnyanı Ózi menen jarastırıp, adamlardıń gúnaların esapqa almadı hám usı jarastırıwshı sózlerdi bizlerge berdi.

2 Korinfliler 5:19

Sebebi Quday Óziniń pútkil tolılıǵınıń Onda bolıwın maqul kórdi. Masiyxtıń atanaq aǵashtaǵı qanı arqalı tınıshlıq ornatıp, Quday Ol arqalı jer hám aspandaǵılardıń barlıǵın Ózi menen jarastırıwdı qáledi.

Kolosalılar 1:19–20

Súyispenshilik hám sadıqlıq ushırasadı, Ádillik penen tınıshlıq súyisedi.

Zabur 84:11

Men sizler ushın dúzgen jobalarımdı Ózim bilemen, – deydi Jaratqan Iye. – Bul jobalarım sizlerge apat emes, al abadanshılıq alıp keledi.

Eremiya 29:11

Kelińler, máseleni birge talqılayıq! – deydi Jaratqan Iye. – Gúnalarıńız qıp-qızıl bolsa da, Olar qarday appaq boladı. Olar shım qızıl bolsa da, Aq júndey boladı.

Iyshaya 1:18

Quday, Saǵan uqsası bar ma eken? Óz xalqıńnıń qalǵanlarınıń.

Mixa 7:18

Quday menen jaras, tınıshlıqta bol.

Ayup 22:21

Qorqınısh hám saqlıq penen, qutqarılıwıńızdı ámelge asıra berińler. Sebebi Ózine unaǵan islerdi qálewińiz hám islewińiz ushın, Qudaydıń Ózi sizlerge túrtki saladı.

Filipliler 2:12–13

Jaratqan Iye! Sen bizlerge tınıshlıq bereseń. Islegen barlıq islerimizdi bizler ushın júzege asırǵan Senseń.

Iyshaya 26:12

Seniń Patshalıǵıń kelsin.

Matta 6:10

Sol patshalardıń dáwirinde aspannıń Qudayı máńgi hám hesh bir xalıqtan jeńilmeytuǵın bir patshalıq ornatadı. Bul patshalıq basqa barlıq patshalıqlardı joq qılıp, ózi máńgi turadı.

Daniel 2:44

Adamzattıń qolı tiymesten bir tas qoparılıp, músinniń temir hám ılaydan bolǵan bólegine urıldı da, onı maydalap tasladı.

Daniel 2:34

Al Meniń Ruwxım menen tabısqa eriseseń. Bul Álemniń Jaratqan Iyesiniń sózi.

Zexariya 4:6

Qudaydıń Patshalıǵı kózge kórinip kelmeydi. «Mine, bul jerde» yamasa «Áne, ana jerde» dep te aytpaydı. Sebebi Qudaydıń Patshalıǵı sizlerdiń arańızda, – dedi.

Luka 17:20–21

Qudaydıń Patshalıǵınıń sırın biliw sizlerge berilgen. ... Qudaydıń Patshalıǵı mınaǵan uqsaydı: bir adam jerge tuqım sewipti. Ol tún bolǵanda uyıqlaptı, kúndiz bolǵanda oyanıptı: biraq tuqımnıń qalay kógerip óskenin bilmepti. Al egin pisip jetiliskende, sol adam dárriw orıwǵa kirisedi, sebebi orıw máháli keldi, – dedi.

Mark 4:11, 26–27, 29

Sonlıqtan sizler de tayar bolıp turıwıńız shárt! Óytkeni Adam Ulı sizler oylamaǵanda keledi.

Matta 24:44

Muxaddes Ruwx hám kelin: «Kel!» – deydi. Esitken hár bir adam: «Kel!»

Ayan 22:17