Kúndelikli nur, 7-oktyabr: Olarǵa Óz jolın úyreter

Olarǵa Óz jolın úyreter.

Zabur 24:9

Kishipeyilliler baxıtlı!

Matta 5:5

Quyash astında men jáne bir nárseni kórdim: Jarısta júyrik, Urısta kúshli jeńe bermeydi eken. Danaǵa – mal-múlik, Aqıllıǵa – baylıq, Uqıplıǵa – húrmet bárqulla nesip ete bermeydi eken.

Wazshı 9:11

Júrer jolın adam júreginde oylap qoyar, Biraq Jaratqan Iye onıń adımların baǵdarlar.

Hikmetler 16:9

Ibadatxanaǵa baratırǵanda aytılatuǵın jır Kóklerde taxt qurǵan Quday! Kózlerimdi Saǵan tigemen. Qullardıń kózleri xojayınınıń, Shorınıń kózleri xanımınıń qolına tigilgenindey, Bizlerge rehim qıl, dep, Bizlerdiń kózlerimiz Qudayımız Jaratqan Iyege tigilgen.

Zabur 122:1–2

Júretuǵın jolımdı Óziń kórset, Júregimdi ashaman Saǵan.

Zabur 142:8

O Qudayımız, Sen olardı jazalay gór! Sebebi bizlerde ózimizge bastırıp kiyatırǵan bul úlken ordaǵa qarsılıq qılatuǵın kúsh joq. Bizler ne qılıwdı bilmeymiz, biraq kóz tigip, Sennen úmit etemiz.

2 Jılnama 20:12

Eger arańızdaǵı birińizdiń danalıǵı kem bolsa, hámmege saqıylıq penen, ayıplamay beretuǵın Qudaydan sorasın. Quday oǵan beredi.

Yaqıp 1:5

Yaǵnıy Haqıyqat Ruwxı kelgende, sizlerdi tolıq haqıyqatqa qaray jeteleydi.

Yuxan 16:13

Sen solay sóz berdiń hám qulıńnıń patshalıǵı Seniń jarılqawıń arqalı máńgige jarılqanatuǵın boladı.

2 Patshalar 7:29

Onı Sen jarılqaǵanıń ushın, ol máńgige jarılqanatuǵın boladı.

1 Jılnama 17:27

Jaratqan Iyeniń jarılqawı adamdı bayıtar, Ol baylıqqa ǵam-qayǵını qospas.

Hikmetler 10:22

Usılay miynet etip, hálsizlerge járdem beriw kerekligin sizlerge islegen hár bir isimde kórsettim.

Elshiler 20:35

Kerisinshe, zıyapat bergenińde jarlı, mayıp, aqsaq hám soqırlardı shaqır. Solay etseń, sen baxıtlı bolasań. Sebebi olar saǵan qaytara almaydı. Biraq haq adamlar qayta tirilgende, Quday saǵan qaytaradı, – dedi.

Luka 14:13–14

Ákemnen jarılqanǵanlar, dúnya jaratılǵannan beri sizler ushın tayarlap qoyılǵan patshalıqtı miyras etip alıńlar. Sebebi Men ash bolǵanımda, sizler Maǵan awqat berdińler, shóllegenimde, suw berdińler, jat jerde júrgenimde, Meni qabıl aldıńlar. Jalańash bolǵanımda, kiyim berdińler, nawqas bolǵanımda, ǵamxorlıq qıldıńlar, qamaqta bolǵanımda, Maǵan keldińler, – deydi.

Matta 25:34–36

Qanday baxıtlı jarlını oylaytuǵın! Apat kúninde onı Jaratqan Iye qutqarar.

Zabur 40:2

Quday Iye – quyash hám qalqandur.

Zabur 83:12