Kúndelikli nur, 2-oktyabr: Sol kúnleri hám sol waqıtta

Solay etip, teke Izrail xalqınıń barlıq ayıpların qula dúzge alıp ketedi.

Lebiyliler 16:22

Shıǵıs batıstan qanshelli uzaq bolsa, Ol jınayatlarımızdı bizlerden sonshelli uzaqlastırdı.

Zabur 102:12

Sol kúnleri hám sol waqıtta, – deydi Jaratqan Iye, – Izraildıń ayıbı izlenedi, Biraq hesh bir ayıp tabılmaydı. Yahudanıń gúnası izlenedi, Biraq onnan hesh bir gúna tabılmaydı. Men aman qaldırǵanlarımdı keshiremen.

Eremiya 50:20

Pútkil gúnalarımızdı teńiz túbine ılaqtırasań.

Mixa 7:19

Quday, Saǵan uqsası bar ma eken? Óz xalqıńnıń qalǵanlarınıń.

Mixa 7:18

Bizlerdiń hámmemiz qoylarday joldan adastıq, Hár birimiz óz jolımızdan kettik. Jaratqan Iye oǵan hámmemizdiń qılmısımızdı júkledi.

Iyshaya 53:6

Olardıń qılmısların ózine aladı. Sonlıqtan ullılar qatarında oǵan pay beremen, Kúshliler menen olja bólisedi. Óytkeni ol janın qurban etti, Jınayatshılar qatarında sanaldı, Kóplerdiń gúnasın ózine aldı, Qılmıskerler ushın araǵa tústi.

Iyshaya 53:11–12

Mine, dúnyanıń gúnasın Ózine alatuǵın Qudaydıń Qozısı!

Yuxan 1:29

Hesh kim seni basqalardan ústin qılıp qoyǵan joq. Seniń Qudaydan almaǵan nárseń bar ma?

1 Korinfliler 4:7

Men házir kim bolǵan bolsam.

1 Korinfliler 15:10

Ol Óz qálewi boyınsha bizlerdi haqıyqat sózi menen ómirge eristirdi.

Yaqıp 1:18

Buǵan erisiw adamnıń qálewine yamasa tırısıwına emes, al Qudaydıń miyrim-shápáátine baylanıslı.

Rimliler 9:16

Endi bizler ne menen maqtana alamız? Hesh nárse menen.

Rimliler 3:27

Sizler ómirińizdiń tiykarı bolǵan Quday sebepli, Masiyx Iysa menen qarım-qatnasqa iyesiz. Masiyx bizler ushın Qudaydıń danalıǵı bolıp, bizlerdi aqlap, muxaddes qıldı hám gúnalarımız ushın tólem tólep qutqardı. ... Maqtanatuǵın adam Jaratqan Iye menen maqtansın.

1 Korinfliler 1:30–31

Sizler bir waqıtları ayıp hám gúnalarıńız sebepli óli edińler. Sonda sizler bul dúnyanıń ádeti boyınsha, hawada húkimdarlıq etiwshi hákim – shaytanǵa, yaǵnıy házir Qudayǵa qulaq aspaytuǵın adamlarda háreket etiwshi ruwxqa boysınıp jasaytuǵın edińler. Bir waqıtları bizlerdiń hámmemiz de usınday adamlardıń arasında óz gúnakar tábiyatımız boyınsha jasadıq. Denemizdiń hám oy-niyetimizdiń jaman qálewlerin orınladıq. Sol sebepten basqalar sıyaqlı bizler de tábiyatımız boyınsha Qudaydıń ǵázebine ılayıqlı adamlar edik.

Efesliler 2:1–3

Biraq, sizler Iyemiz Iysa Masiyxtıń atı menen hám Qudayımızdıń Ruwxı menen tazalandıńız, muxaddes boldıńız hám aqlandıńız.

1 Korinfliler 6:11