Kúndelikli nur, 28-sentyabr: Iye, qulaq sal! (Daniel 9:19)

Solay etip, ruwxaniyler atımdı aytıp, Izrail xalqına aq pátiya bersin. Sonda Men de olardı jarılqayman.

Sanlar 6:27

Qudayımız Jaratqan Iye, Sennen basqa iyeler bizlerge húkimdarlıq qıldı. Biraq bizler tek Seniń atıńdı húrmet etemiz.

Iyshaya 26:13

Bizler Sen hesh qashan húkimdarlıq qılmaǵan, Seniń atıń menen atalmaǵan, Xalıqqa uqsap qaldıq.

Iyshaya 63:19

Jer júzindegi barlıq xalıqlar sizlerdiń Jaratqan Iyege tiyisli ekenińizdi kórip, sizlerden qorqatuǵın boladı.

Nızamnıń qaytalanıwı 28:10

Óziniń ullı atı ushın Jaratqan Iye Óz xalqınan júz burmaydı. Sebebi Ol sizlerdi Óz xalqı qılıwdı maqul taptı.

1 Patshalar 12:22

Iye, qulaq sal! Iye, bizlerdi keshir! Iye, názer salıp, háreket ete gór! Qudayım, Óziń ushın asıǵa gór, óytkeni bul qala hám xalıq Seniń atıń menen atalǵan.

Daniel 9:19

Qutqarıwshımız Quday, dańqıńa bola, bizlerge járdem ber, Azat et, Óz atıń ushın gúnalarımızdı keshir. Ne ushın basqa xalıqlar: «Olardıń Qudayı qayaqta?» – dep aytıwı kerek?

Zabur 78:9–10

Jaratqan Iyeniń atı – bekkem qorǵan, Ádil oǵan qashıp, bas sawǵalar.

Hikmetler 18:10

Qudaydıń ullılıǵın kókler járiyalap turadı, Onıń dóretpesi haqqında aspan gúmbezi xabarlaydı.

Zabur 18:2

Dúnya jaratılǵannan beri Qudaydıń kózge kórinbeytuǵın qásiyetleri, yaǵnıy sheksiz qúdireti hám qudaylıǵı Ol jaratqan barlıqtan seziledi hám ashıq kórinedi. Solay etip.

Rimliler 1:20

Ózi haqqında gúwalıq beriwdi toqtatpay.

Elshiler 14:17

Bunı kún kúnge járiyalaydı, Tún túnge málim qıladı. Ol jerde bir sóz de, bir gáp te aytılmas, Shıqpas olardan hesh qanday ses.

Zabur 18:3–4

Qollarıń menen dóretken aspanıńa, Óziń jaylastırǵan ay hám juldızlarǵa qarasam, Mınaday sorawlar payda bolar oyımda: «Sen adam tuwralı oylaǵanday, ol kim bolıptı? Sen adamzatqa ǵamxorlıq qılǵanday, ol kim bolıptı?»

Zabur 8:4–5

Quyashtıń sulıwlıǵı basqa, aydıń sulıwlıǵı basqa, juldızlardıń sulıwlıǵı basqa. Sulıwlıǵı boyınsha, juldız juldızdan parıq qıladı. Ólilerdiń tiriliwi de sonday boladı.

1 Korinfliler 15:41–42

Danalar ashıq aspan sıyaqlı jaynaydı, adamlardı ádil jolǵa jetelegenler bolsa, juldızlar yańlı udayına máńgi-baqıy jarqıraydı.

Daniel 12:3