Thursday, September 24, 2026

Sóz adam bolıp aramızda jasadı. Bizler Onıń ullılıǵın, Ákeden kelgen, miyrimge hám haqıyqatqa tolı bolǵan jalǵız Uldıń ullılıǵın kórdik.

Yuxan 1:14

Quday bizlerdiń panamız hám kúshimiz, Apatta qalǵanımızda, isenimli járdemshimiz.

Zabur 45:2

Hámme Iysanı maqtadı hám Onıń awzınan shıqqan jaǵımlı sózlerge hayran qalısıp: – Bul – Yusuptiń balası emes pe? – desti.

Luka 4:22

Sebebi sizler Iyemizdiń jaqsılıǵın tatıp kórdińler.

1 Petr 2:3

Qudaydıń Ulına isenetuǵın adamnıń ózinde usı gúwalıq bar. Al Qudayǵa isenbeytuǵın adam Qudaydı ótirikshi qılǵan boladı. Óytkeni Qudaydıń Óz Ulı tuwralı bergen gúwalıǵına isenbeydi.

1 Yuxan 5:10

Saǵan shının, haqıyqatın aytaman: bizler bilgenimizdi sóyleymiz, kórgenimiz haqqında gúwalıq beremiz. Al sizler bizlerdiń gúwalıǵımızdı qabıl etpey atırsızlar.

Yuxan 3:11

Tosattan olardıń basına apat kelsin, Qoyǵan torına ózleri tússin, Qazǵan shuqırına ózleri qulasın.

Zabur 34:8

Jigitler arasında meniń súyiklim, Toǵay aǵashları arasındaǵı alma aǵashına megzer. Sayasında otırıw maǵan ráhát baǵıshlar, Miywesiniń dámi awzımnan ketpes.

Qosıqlar qosıǵı 2:3

Biraq, Iyemiz maǵan: «Saǵan bergen miyrimim jeterli. Sebebi Meniń qúdiretim hálsizlik arqalı tolıq kórsetiledi», – dedi. Sonlıqtan Masiyxtıń qúdireti mende bolsın dep, men hálsizliklerime ele de kóbirek quwanıp, olar menen maqtana beremen.

2 Korinfliler 12:9

Biraq Quday hár birimizge Masiyxtıń saqıylıǵına muwapıq Óz miyrimin sıyǵa berdi.

Efesliler 4:7

Hár birińiz jaqsı xızmetshi sıpatında Qudaydıń sizlerge miyrimlilik penen bergen hár túrli ruwxıy sıyların qollana otırıp, bir-birińizge xızmet etińler.

1 Petr 4:10