Sunday, September 20, 2026

Sebebi sizler Iyemiz Iysa Masiyxtıń miyrimin bilesizler: Ol Ózi bay bola tura, sizler ushın bul dúnyada jarlı boldı. Onıń jarlılıǵı menen sizler ruwxıy baylıqqa iye boldıńız.

2 Korinfliler 8:9

Onıń tolılıǵınan hámmemiz miyrim ústine miyrim aldıq.

Yuxan 1:16

Meniń Qudayım sizlerdiń hár bir mútájligińizdi Masiyx Iysa arqalı Óziniń saltanatlı baylıǵı menen qanaatlandıradı.

Filipliler 4:19

Jáne de, Quday sizlerdi mol miyrim menen bayıtıwǵa qúdiretli. Solay etip, barlıq waqıtta hámme nárseńiz jeterli bolıp, hár qanday jaqsı iske bay bolasızlar.

2 Korinfliler 9:8

Qulaq salıńlar, súyikli tuwısqanlarım: Quday bul dúnyada jarlı bolǵanlardı isenimde bay bolıwı hám Ózin súygenlerge wáde etken Patshalıǵınıń miyrasxorları bolıwı ushın tańlamadı ma?

Yaqıp 2:5

Tuwısqanlarım, Quday tárepinen shaqırılǵan waqtıńızda kim bolǵanıńızdı eske túsirip kórińler. Adamnıń kóz qarası boyınsha arańızda danalar da, biylikke iye adamlar da, aqsúyek adamlar da kóp emes edi. Biraq, Quday danalardı uyatqa qaldırıw ushın, dúnya aqılsız dep sanaǵan adamlardı, kúshlilerdi uyatqa qaldırıw ushın, dúnya hálsiz dep sanaǵan adamlardı tańladı.

1 Korinfliler 1:26-27

Biz elshiler usı ǵáziyneni ılay ıdıs sıyaqlı bolǵan denemizde alıp júrmiz. Bul ullı qúdirettiń bizlerden emes, al Qudaydan ekenligi kórinip tur.

2 Korinfliler 4:7