Sunday, September 13, 2026

Al sulıwlıǵıńız sırlı bolǵan ishki dúnyańızdan, yaǵnıy jumsaq hám tınısh bolǵan joǵalmaytuǵın ruwxıy gózzallıqtan ibarat bolsın. Bul Quday aldında júdá qımbatlı.

1 Petr 3:4

Sizler óletuǵın násil arqalı emes, al ólmeytuǵın násil arqalı, yaǵnıy Qudaydıń tiri hám máńgilik sózi arqalı jańadan tuwıldıńız.

1 Petr 1:23

Iysa oǵan: – Men qayta tiriliw hám ómirmen. Maǵan isengen adam ólse de, jasaydı.

Yuxan 11:25

Olar perishteler sıyaqlı bolǵanlıqtan, endi ólmeydi. Ólimnen qayta tirilgenlikten, Qudaydıń balaları boladı.

Luka 20:36

Olar máńgi tiri Qudaydıń ullılıǵın basında ólim bar adamnıń, quslardıń, tórt ayaqlı haywanlardıń hám jer bawırlawshılardıń kórinisindegi butlarǵa almastırdı.

Rimliler 1:23

Biraq, ishińizde Qudaydıń Ruwxı jasap atırǵan bolsa, onda sizlerdi gúnakar tábiyatıńız emes, al Muxaddes Ruwx basqarıp atırǵan boladı. Kim de kim Masiyxtıń Ruwxına iye bolmasa, ol Masiyxqa tiyisli emes. Al eger ishińizde Masiyx jasap atırǵan bolsa, deneńiz gúna sebepli óletuǵın bolsa da, ruwxıńız aqlanǵanıńız sebepli tiri boladı. Iysanı ólimnen qayta tiriltken Qudaydıń Ruwxı ishińizde jasap atırǵan bolsa, onda Masiyx Iysanı ólimnen qayta tiriltken Quday ishińizde jasap atırǵan Óz Ruwxı arqalı óletuǵın deneńizdi de tiriltedi.

Rimliler 8:9-11

Ólilerdiń tiriliwi de sonday boladı. Shiriytuǵın dene kómiledi, biraq ol shirimeytuǵın bolıp tiriledi.

1 Korinfliler 15:42

Duz – jaqsı nárse. Biraq duz óz kúshin joytsa, onı qalay jáne shorlı qılıwǵa boladı? Ishińizde duz bolsın, bir-birińiz benen tatıw jasańlar, – dedi.

Mark 9:50

Awızlarıńızdan hesh bir jaman sóz shıqpasın. Al ornı menen sóylep, esitkenlerdiń ruwxın kóteretuǵın paydalı sózlerdi aytıń.

Efesliler 4:29