Monday, September 14, 2026

Sebebi qúdiretli hám ullı Qudaydan Iysaǵa: «Bul – Meniń súyikli Ulım, Men Oǵan ırzaman», – degen saza esitilgende, Ol Quday Ákeden dańq hám saltanat aldı.

2 Petr 1:17

Qarańlar, Qudaydıń balaları dep atalıwımız ushın, Áke bizlerdi qanday ullı súyispenshilik penen súydi! Haqıyqattan da, bizler Qudaydıń balalarımız. Dúnya Ákeni bilmegenlikten, bizlerdi de bilmey atır.

1 Yuxan 3:1

Solay etip, Qudaydıń súyikli balaları bolǵan sizler Oǵan elikleńler!

Efesliler 5:1

Eger bizler Qudaydıń balaları bolsaq, onda miyrasqa iye bolamız. Masiyx penen birge ullılanıw ushın, Onıń menen birge azap sheksek, onda bizler Masiyx penen birge miyrasqa sherik bolǵan Qudaydıń miyrasxorlarımız.

Rimliler 8:17

Qudaydıń Ulı – Qudaydıń saltanatınıń jarqıraǵan nurı bolıp, Ol Qudaydıń tábiyatınıń haqıyqattan qanday ekenin kórsetedi. Ul Óziniń qúdiretli sózi menen pútkil barlıqtı saqlap tur. Ol Ózin qurban etip, bizlerdi gúnalarımızdan tazalaǵannan soń, joqarıdaǵı qúdiretli Qudaydıń oń jaǵına otırdı.

Evreyler 1:3

Sol sıyaqlı, sizlerdiń nurıńız adamlardıń aldında jarqıray bersin. Adamlar sizlerdiń jaqsı islerińizdi kórip, aspandaǵı Ákeńizdi dańqqa bólesin!

Matta 5:16

Isenimimizdiń tiykarın salıwshı hám onı minsizlikke eristiriwshi Iysaǵa kóz tigeyik. Ol Ózin kútip turǵan quwanısh ushın, atanaq aǵashta shegeleniwdiń shermendeshiligin pisent etpey ólimge barıp, Qudaydıń taxtınıń oń jaǵına otırdı.

Evreyler 12:2

Endi Men Saǵan baratırman. Meniń quwanıshım olarda tolı bolıwı ushın, bul sózlerdi dúnyada bolǵan waqtımda aytıp atırman.

Yuxan 17:13