Tuesday, September 8, 2026

Sizlerge shının, haqıyqatın aytaman: biyday dáni jerge túsip ólmese, ol jalǵız qaladı. Al eger ólse, kóp zúráát beredi.

Yuxan 12:24

Eger qamırdıń birinshi bólegi Qudayǵa baǵıshlanıp, muxaddes bolsa, onda pútkil qamır da muxaddes boladı. Eger terektiń tamırı muxaddes bolsa, onda shaqaları da muxaddes.

Rimliler 11:16

Biraq, Masiyx haqıyqattan da ólimnen qayta tirildi! Ol óliler ishinen birinshi bolıp tiriliwi arqalı ólilerdiń tiriletuǵının dálilledi.

1 Korinfliler 15:20

Eger bizler Masiyxtıń ólimine sherik bolıp, Onıń menen birlesken bolsaq, onda Onıń qayta tiriliwine de sherik bolıp, Onıń menen birlesemiz.

Rimliler 6:5

Biraq, biziń watanımız aspanda. Bizler sol jerden Qutqarıwshımız bolǵan Iyemiz Iysa Masiyxtıń keliwin kútpektemiz. Hámme nárseni boysındıra alatuǵın qúdireti menen, Ol bizlerdiń hálsiz hám ótkinshi denemizdi ózgertip, Óziniń dańqlı denesine uqsatadı.

Filipliler 3:20-21

Masiyx – iseniwshiler jámáátiniń, yaǵnıy Óz denesiniń bası hám jámááttiń tiykarı. Ol hámme nárseden joqarı bolıw ushın, óliler ishinen birinshi bolıp tirildi.

Kolosalılar 1:18

Iysanı ólimnen qayta tiriltken Qudaydıń Ruwxı ishińizde jasap atırǵan bolsa, onda Masiyx Iysanı ólimnen qayta tiriltken Quday ishińizde jasap atırǵan Óz Ruwxı arqalı óletuǵın deneńizdi de tiriltedi.

Rimliler 8:11

Iysa oǵan: – Men qayta tiriliw hám ómirmen. Maǵan isengen adam ólse de, jasaydı.

Yuxan 11:25