Wednesday, September 2, 2026

Biraq jawızlar tolqınlanǵan teńizge uqsaydı, Ol tınısh tura almaydı, Suwları ılay menen balshıqtı shıǵara beredi, Jawızlar ushın tınıshlıq joq», – deydi Qudayım.

Iyshaya 57:20-21

Háy, sharshap, awır júk basqanlar, hámmeńiz Maǵan kelińler! Men sizlerdi ráhátlendiremen.

Matta 11:28

Iyilip, eki búklenip qaldım, Kúni boyı ǵam shegip júremen.

Zabur 37:7

Quday dúnyanı jaratqannan soń qalay dem alǵan bolsa, tınıshlıq mákanına kirgen hár bir adam da óz islerinen solay dem aladı.

Evreyler 4:10

Hár túrli jat tálimatlarǵa berilip, azǵırılmańlar. Júrektiń awqatqa baylanıslı qaǵıydalardı orınlaw menen emes, al Qudaydıń miyrimi menen bekkemlengeni jaqsı. Bunday qaǵıydalardı orınlawshılar hesh qanday payda kórmedi.

Evreyler 13:9

Solay eken, endigiden bılay, gódek bolmayıq. Adamlardıń jalatayshılıǵı hám hiylekerligi arqalı payda bolǵan hár túrli tálimatlardıń samalı menen ana jaqtan mına jaqqa shayqatılmayıq. Kerisinshe, haqıyqatlıqtı súyispenshilik penen aytıp, deneniń bası bolǵan Masiyxqa qaray hár tárepleme ósip barayıq.

Efesliler 4:14-15

Jigitler arasında meniń súyiklim, Toǵay aǵashları arasındaǵı alma aǵashına megzer. Sayasında otırıw maǵan ráhát baǵıshlar, Miywesiniń dámi awzımnan ketpes. Ol meni zıyapat úyine alıp keldi, Meni muhabbatı menen qapladı.

Qosıqlar qosıǵı 2:3-4