Tuesday, September 1, 2026

Bizlerdi húrmet te etedi, masqaralaydı da, bizlerge sógis te aytadı, maqtaydı da. Bizlerdi ótirikshiler dep esaplaydı, biraq bizler haqıyqattı aytamız.

2 Korinfliler 6:8

Haqıyqatında, Masiyx Iysaǵa tiyisli bolıp, Qudaydıń jolı menen jasawdı qálewshilerdiń hámmesi de quwdalanadı.

2 Timofey 3:12

Maǵan keletuǵın bolsaq, tuwısqanlarım, eger elege deyin súnnettiń kerek ekenligin járiyalap kelgenimde, quwdalanar ma edim? Eger olay bolǵanda, atanaq aǵash haqqında aytqan wazlarım sebepli mashqala tuwılmas edi.

Galatiyalılar 5:11

Endi men adamlardıń maqtawın qálep atırman ba yamasa Qudaydıń ba? Ya bolmasa, adamlarǵa jaǵınıwǵa tırısıp atırman ba? Eger elege deyin adamlarǵa jaǵınbaqshı bolǵanımda, onda men Masiyxtıń xızmetshisi bola almas edim.

Galatiyalılar 1:10

Masiyxtıń atı ushın masqaralanıp atırǵan bolsańız, sizler baxıtlısızlar! Sebebi Qudaydıń ullı Ruwxı ústińizde boladı. Jáne hesh birińiz adam óltiriwshi, urı, jamanlıq islewshi yamasa basqalardıń jumısına aralasıp, kesent beretuǵın bolıp, azap shekpesin. Biraq sizler masiyxıy bolǵanıńız ushın azap shegip atırǵan bolsańız, uyalmańlar. Al bul at penen atalatuǵınıńız ushın Qudaydı alǵıslańlar.

1 Petr 4:14-16

Óytkeni Quday sizlerge Masiyxqa tek iseniwdi emes, al Ol ushın azap shegiwdi de ayrıqsha huqıq etip bergen.

Filipliler 1:29

Usılay islewge bizlerdi Masiyxtıń súyispenshiligi májbúr etedi. Óytkeni bir Adam, yaǵnıy Masiyx hámme ushın ólgenlikten, hámme Onıń ólimine sherik bolǵan boladı, degen juwmaqqa keldik. Awa, Masiyx hámme ushın óldi. Solay eken, jasap atırǵanlar endi ózleri ushın emes, al ózleri ushın ólgen hám qayta tirilgen Masiyx ushın jasawı shárt.

2 Korinfliler 5:14-15

Eger sabırlılıq qılsaq, Onıń menen birge patshalıq etemiz. Eger Onnan waz keshsek, Ol da bizden waz keshedi.

2 Timofey 2:12