Tuesday, August 25, 2026

Sen jaqsılıqtan góre, jawızlıqtı, Haqıyqattan góre, ótirikti jaqsı kóreseń. Selah

Zabur 51:5

Hesh kim ayap, saǵan bulardan birewin islemedi, miyrim kórsetpedi. Qaytama, dúnyaǵa kelgen kúni-aq, sen jek kórilip, dalaǵa ılaqtırıp taslandıń. Qaptalıńnan ótip baratırıp, Men seniń qanıńa bılǵanıp jatırǵanıńdı kórip qaldım, saǵan: „Jasa!“ – dedim. Men saǵan: „Jasa!“ – dep ayttım.

Ezekiel 16:5-6

Qanday baxıtlı jarlını oylaytuǵın! Apat kúninde onı Jaratqan Iye qutqarar. Jaratqan Iye onı qorǵap, ómirin saqlar, Ol elde baxıtlı bolar, Dushpanlarınıń qolına tapsırılmas.

Zabur 40:2-3

Awa, ózlerimizdi aqlawǵa ele kúshsiz bolǵanımızda Masiyx belgilengen waqıtta qudaysız bolǵan bizler ushın óldi. Hesh kim haq adam ushın janın ólimge qıymaydı. Hátte, ózine qáwender bolǵan adam ushın da janın ólimge qıyıwdı qáleytuǵın adamlar az. Biraq, bizler ele gúnakar bolǵan waqtımızda Masiyx bizler ushın óldi. Bizlerge degen súyispenshiligin Quday usılay dálilledi.

Rimliler 5:6-8

Biraq, miyrim-shápáátke bay bolǵan Quday bizlerdi sonshelli súygenlikten, gúnalarımız sebepli óli bolsaq ta, bizlerdi Masiyx penen birge tiriltti. Sizler Onıń miyrimi menen qutqarıldıńız.

Efesliler 2:4-5