Wednesday, August 19, 2026

Xabarıńız bar, bir áke óz balalarına qanday qatnas jasasa, bizler de sizlerdiń hár birińizge sonday qatnas jasadıq. Sizlerge aqıl-násiyat hám jubanısh berip, Óz Patshalıǵına hám saltanatına shaqırǵan Qudayǵa ılayıqlı jasawdı ótinish ettik.

1 Salonikalılar 2:11-12

Biraq sizler Quday tárepinen tańlanǵan adamlar, Patshanıń ruwxaniyleri, muxaddes millet hám Qudayǵa tiyisli xalıqsız. Sizler ózlerińizdi qarańǵılıqtan Óziniń ájayıp nurına shaqırǵan Qudaydıń tań qalarlıq islerin járiyalaw ushın tańlandıńlar.

1 Petr 2:9

Sizler bir waqıtları qarańǵılıq edińiz, biraq endi bolsa, Iyemiz arqalı nur boldıńlar. Sol sebepten nurǵa tiyisli adamlarǵa say jasańlar. Óytkeni nurdaǵı ómirdiń jemisi – hár túrli jaqsılıq, haqlıq hám haqıyqatlıqtan ibarat. Iyemizge neniń unaytuǵının ayırıp bilińler. Qarańǵılıqtaǵı ómirdiń jemissiz islerine qatnaspańlar. Kerisinshe, olardı áshkara etińler.

Efesliler 5:8-11

Jáne de, Qudaydı ullılap, alǵıs-maqtawlar aytıwıńız ushın, Iysa Masiyx arqalı haqlıq jemisine bay bolasızlar.

Filipliler 1:11

Sol sıyaqlı, sizlerdiń nurıńız adamlardıń aldında jarqıray bersin. Adamlar sizlerdiń jaqsı islerińizdi kórip, aspandaǵı Ákeńizdi dańqqa bólesin!

Matta 5:16

Solay etip, jeseńiz de, ishseńiz de, ne nárseni isleseńiz de, hámme nárseni Qudaydıń dańqqa bóleniwi ushın isleńler.

1 Korinfliler 10:31