Saturday, August 15, 2026

Qullası, tuwısqanlarım, xosh bolıńlar. Jetilisip barıńlar, meniń aytqanlarıma qulaq asıńlar, bir oy-pikirli bolıńlar hám tatıwlıqta jasańlar. Súyispenshilik hám tınıshlıq tiykarı bolǵan Quday sizler menen birge boladı.

2 Korinfliler 13:11

Sizler isenimińiz arqalı Qudaydıń miyrimi menen qutqarıldıńız. Bul sizlerdiń jetiskenligińiz emes, al Qudaydıń sıyı bolǵanlıqtan, hesh kim islerim sebepli qutqarılǵanman dep, maqtana almaydı.

Efesliler 2:8-9

Hár qanday jaqsı hám minsiz sıy joqarıdan, nurlar Ákesi bolǵan Qudaydan keledi. Onda hesh qanday ózgeris yamasa ózgeriwshi kóleńke joq.

Yaqıp 1:17

Solay etip, súyikli tuwısqanlarım, men janıńızda bolǵanımda, sizler bárqulla Qudayǵa boysınatuǵın edińler. Al házir janıńızda joq waqtımda da burınǵıdan kóbirek boysınıp, qorqınısh hám saqlıq penen, qutqarılıwıńızdı ámelge asıra berińler. Sebebi Ózine unaǵan islerdi qálewińiz hám islewińiz ushın, Qudaydıń Ózi sizlerge túrtki saladı.

Filipliler 2:12-13

Bul dúnyanıń adamlarına eliklemeńler. Al Qudaydıń oy-pikirlerińizdi jańalap, Onıń sizlerdi tolıq ózgertiwine jol qoyıńlar. Sonda sizler Qudaydıń jaqsı hám minsiz erkin, yaǵnıy Oǵan neniń unaytuǵının ayırıp bilesizler.

Rimliler 12:2

Jáne de, Qudaydı ullılap, alǵıs-maqtawlar aytıwıńız ushın, Iysa Masiyx arqalı haqlıq jemisine bay bolasızlar.

Filipliler 1:11

Bizler xızmetimizdi uqıplı bolǵanımız sebepli atqarıp atırmız, demekshi emespen. Bizlerdegi bar uqıp ózimizden shıqpaǵan, al Qudaydan berilgen.

2 Korinfliler 3:5