Tuesday, August 11, 2026

Al endi bolsa, bul miyrimdi Qutqarıwshımız Masiyx Iysanıń dúnyaǵa keliwi menen ashıq kórsetti. Masiyx Iysa ólimniń kúshin joq qılıp, Xosh Xabar arqalı joǵalmaytuǵın máńgilik ómirdi ayan qıldı.

2 Timofey 1:10

Ol ólimdi máńgige jutıp jiberedi. Quday Iye hámmeniń kóz jasın súrtip qoyadı, Óz xalqınıń shermendeligin pútkil jer júzinen alıp taslaydı. Bunı Jaratqan Iye ayttı.

Iyshaya 25:8

Shiriytuǵın hám óletuǵın denemiz shirimeytuǵın hám ólmeytuǵın bolıp ózgerse, Muxaddes Jazıwda aytılǵan mına sózler iske asadı: «Ólim joq etildi, ol jeńildi!» «Háy ólim, jeńisiń qáne? Háy ólim, uwlı iyneń qáne?» Ólimniń uwlı iynesi – gúna. Gúna óz kúshin Muxaddes Nızamnan aladı. Biraq, Qudayǵa shúkirler bolsın! Ol bizlerdi Iyemiz Iysa Masiyx arqalı jeńiske eristire beredi.

1 Korinfliler 15:54-57

Óytkeni Quday bizlerge qorqaqlıq ruwxın emes, al kúsh, súyispenshilik hám saldamlılıq ruwxın berdi.

2 Timofey 1:7

Qolları pák, júregi taza bolǵan, Kewlin jalǵan nárselerge bermegen, Jalǵannan ant ishpegen adam.

Zabur 23:4