Friday, August 7, 2026

Iysa hayalǵa: – Eger sen Qudaydıń sıyın hám «Maǵan ishiwge suw ber», – dep aytıp turǵannıń kim ekenin bilgenińde, seniń óziń Onnan sorar ediń, Ol saǵan tiri suw berer edi, – dep juwap berdi.

Yuxan 4:10

Solay etip, ózlerińiz jaman bola tura, balalarıńızǵa jaqsı sıylar beriwdi bilseńiz, onda aspandaǵı Áke de Ózinen soraǵanlarǵa Muxaddes Ruwxtı beriwi sózsiz.

Luka 11:13

Sol kúni Mennen hesh nárse soramaysızlar. Sizlerge shının, haqıyqatın aytaman: Meniń atım menen Ákemnen ne sorasańlar da, Ol sizlerge beredi. Házirge deyin sizler Meniń atım menen hesh nárse soramadıńlar. Sorańlar, alasızlar, sonda quwanıshıńız tolı boladı.

Yuxan 16:23-24

Bir nárseni qáleysizler, biraq erise almaysızlar. Sonlıqtan adam óltiresizler. Kúnshillik etesizler, biraq qálegenińizge erise almaǵanlıqtan, jánjellesip urısasızlar. Sizler Qudaydan soramaǵanıńız ushın, almay atırsızlar.

Yaqıp 4:2

Biraq Ol, yaǵnıy Haqıyqat Ruwxı kelgende, sizlerdi tolıq haqıyqatqa qaray jeteleydi. Ol Ózliginen sóylemeydi, tek neni esitse, sonı sóyleydi hám keleshekte ne bolatuǵının sizlerge bildiredi. Ol Meni ullılaydı. Óytkeni Ol Menikinen alıp, sizlerge bildiredi.

Yuxan 16:13-14

Biraq olar bas kóterip, Onıń Muxaddes Ruwxın qapa qıldı. Keyin Ol olardıń dushpanına aylanıp, Olar menen Ózi urıstı.

Iyshaya 63:10