Monday, August 24, 2026

Ol adamlar tárepinen kemsitildi, onnan júz burıldı. Ol qayǵınıń, azap-aqırettiń ne ekenin biletuǵın edi. Adamlar onnan betin jasıratuǵınday dárejede ol kemsitildi, Onı biz adam qatarında kórmedik.

Iyshaya 53:3

Ol – bizlerdiń hálsizliklerimizdi bólise alatuǵın bas ruwxaniy. Onıń Ózi hár tárepleme bizler sıyaqlı sınaldı, biraq gúna islemedi.

Evreyler 4:15

Bular Iyshaya payǵambar arqalı aytılǵan mına sózlerdiń orınlanıwı ushın boldı: «Ol keselliklerimizdi Ózine aldı, Awırıwlarımızdı Ózine júkledi».

Matta 8:17

Sol jerde Yaqıptıń qudıǵı da bar edi. Iysa jol júrip sharshaǵanlıqtan, qudıqtıń qasında otırdı. Saat on ekiler shamasında edi.

Yuxan 4:6

Máriyamnıń hám onıń menen kelgen yahudiylerdiń jılaǵanın kórgende, Iysa ruwxıy qıynalıp, janı ashıdı.

Yuxan 11:33

Iysa kózine jas aldı.

Yuxan 11:35

Onıń Ózi sınaqqa túsip, azap shekkenlikten, Ol sınaqqa túskenlerge de járdem ete aladı.

Evreyler 2:18

Jaratqan Iye Óz taxtın kóklerge ornattı, Onıń patshalıǵı hámme jerdi óz ishine aladı. Onıń sózine qulaq salıp, Aytqanların orınlaytuǵın, Qúdireti kúshli perishteler, Jaratqan Iyege alǵıslar aytıń!

Zabur 102:19-20

Biraq Quday men tutqan joldı jaqsı biledi, Ol meni sınaqqa salǵanda, altınday pák bolıp shıǵaman.

Ayup 23:10

Dushpanlarım meni quwǵın qıldı, Ómirimdi jer menen jeksen qıldı. Ázelde álemnen ótkenler sıyaqlı, Meni qarańǵılıqta jasawǵa májbúrledi.

Zabur 142:3

Álemniń Jaratqan Iyesi Óz dańqı ushın meni sizlerdi tonaǵan xalıqlarǵa jiberdi. Ol bılay deydi: «Sizlerge tiygen Meniń kózimniń qarashıǵına tiygen boladı.

Zexariya 2:8

Olar azap shekkende, Ol qosılıp qıynaldı, Onnan kelgen perishte olardı azat etti. Olardı Ol súyispenshiligi hám miyrimi menen qutqardı. Ázelden olardı qolına kóterip keldi.

Iyshaya 63:9