Friday, August 28, 2026

Tuwısqanlarımız Qozınıń qanı menen, Jáne ózleri aytqan gúwalıqları menen onı jeńdi. Bul ushın olar óz janların ólimge qıydı.

Ayan 12:11

Qudaydıń tańlap alǵan adamları bolǵan bizlerdi kim ayıplay aladı? Qudaydıń Ózi bizlerdi aqlaydı-ǵo.

Rimliler 8:33

Kim bizlerdi húkim ete aladı? Hesh kim! Sebebi ólip, ólimnen qayta tirilgen Masiyx Iysa Qudaydıń oń jaǵında bolıp, bizler ushın ótinbekte.

Rimliler 8:34

Ol ruwxıy hákimler menen biylewshilerdi quralsızlandırdı. Olardı Masiyxtıń atanaq aǵashtaǵı ólimi arqalı jeńip, kópshiliktiń kóz aldında masqara etti.

Kolosalılar 2:15

Bul balalar et hám qannan ibarat bolǵanlıqtan, Iysanıń Ózi de olarǵa teńlesip, et hám qannan ibarat bolǵan adamnıń denesine iye boldı. Bunı Ol ólim ústinen biylikke iye bolǵandı, yaǵnıy shaytandı Óz ólimi arqalı nabıt qılıw ushın

Evreyler 2:14

hám ómir boyı ólim qorqınıshı sebepli qul bolǵanlardıń hámmesin azat qılıw ushın isledi.

Evreyler 2:15

Biraq, bulardıń hámmesiniń ústinen bizlerdi súyetuǵın Masiyx sebepli úlken jeńiske erisemiz.

Rimliler 8:37

Shaytannıń hiylelerine qarsı tura alıw ushın, Qudaydıń barlıq sawıt-saymanları menen qurallanıńlar.

Efesliler 6:11

Qutqarılıw duwlıǵasın hám Qudaydıń sózi bolǵan Muxaddes Ruwxtıń qılıshın alıńlar.

Efesliler 6:17

Biraq, Qudayǵa shúkirler bolsın! Ol bizlerdi Iyemiz Iysa Masiyx arqalı jeńiske eristire beredi.

1 Korinfliler 15:57