Friday, September 4, 2026

Qudayıńız Jaratqan Iye sizlerdi qırıq jıl dawamında shólde alıp júrdi, sol júrgen uzaq jolıńızdı este saqlańlar! Sizlerdiń júregińizde ne bar ekenin hám Onıń buyrıqlarına boysınatuǵınıńız, ya boysınbaytuǵınıńızdı biliw ushın, sizlerge qıyınshılıq jiberip, sınadı.

Nızamnıń qaytalanıwı 8:2

Men jáne qasıńnan óttim hám saǵan ser saldım, sen muhabbatqa tayar ediń. Etegimdi jalańash deneńe jawıp, onı qımtadım. Ant iship, seniń menen neke kelisimin dúzdim hám sen Meniki boldıń, – deydi Quday Iye.

Ezekiel 16:8

Sebebi Ol súygen adamın tárbiyalaydı, Ulı qılıp qabıl etken hár bir adamın jazalaydı».

Evreyler 12:6

Súyikli tuwısqanlarım, sizlerdi sınaw ushın keletuǵın awır azaptı tań qalarlıq nárse dep, hayran bolmańlar. Kerisinshe, Masiyxtıń azaplarına sherik bolǵanıńızǵa quwanıńlar. Solay etip, Masiyx saltanat penen kelgende, quwanıp shadlanasızlar.

1 Petr 4:12-13

Óytkeni házirgi ótkinshi hám arzımas qıyınshılıqlarımız bizlerge hádden tıs ullı hám máńgilik dańq alıp keledi. Bizler kózge kórinetuǵın qıyınshılıqlarǵa emes, al kózge kórinbeytuǵın ullılıqqa qaraymız. Sebebi kózge kórinetuǵın nárseler ótkinshi, al kózge kórinbeytuǵın nárseler máńgi boladı.

2 Korinfliler 4:17-18