Tuesday, September 15, 2026

Biraq Iysa oǵan: – Atızdı súriwdi baslap, artına qaray beretuǵın adam Qudaydıń Patshalıǵına ılayıqlı emes, – dedi.

Luka 9:62

Isenim bolmasa, Qudayǵa unaw múmkin emes. Óytkeni kim de kim Qudayǵa jaqınlamaqshı bolsa, Onıń bar ekenine hám Onıń Ózin izlegenlerdi sıylıqlaytuǵınına iseniwi tiyis.

Evreyler 11:6

Biraq hesh gúmanlanbastan, isenim menen sorasın. Óytkeni gúmanlanǵan adam samal menen shayqatılıp tınıshsızlanǵan teńiz tolqınına uqsaydı. 7-8 Óziniń pútkil jollarında turaqsız bolǵan, bunday eki oylı adam Iyemizden bir nárse alaman, dep oylamasın.

Yaqıp 1:6-7

Sonlıqtan sizlerge aytatuǵınım: duwa etkenińizde neni sorasańlar da, alǵanıńızǵa iseniń, sonda ol sizlerge beriledi.

Mark 11:24

Solay eken, endigiden bılay, gódek bolmayıq. Adamlardıń jalatayshılıǵı hám hiylekerligi arqalı payda bolǵan hár túrli tálimatlardıń samalı menen ana jaqtan mına jaqqa shayqatılmayıq. Kerisinshe, haqıyqatlıqtı súyispenshilik penen aytıp, deneniń bası bolǵan Masiyxqa qaray hár tárepleme ósip barayıq.

Efesliler 4:14-15

Mende bolıńlar, Men de sizlerde bolaman. Aǵashta bolmaǵan shaqa óz-ózinen jemis bere almaǵanı sıyaqlı, sizler de Mende bolmasańlar, jemis bere almaysızlar.

Yuxan 15:4

Solay etip, súyikli tuwısqanlarım, taysalmay bekkem turıńlar hám Iyemizdiń xızmetinde bárqulla ǵayratlı bolıńlar. Óytkeni Iyemizdiń jolında etken xızmetińizdiń bosqa ketpeytuǵının bilesizler.

1 Korinfliler 15:58