Wednesday, September 16, 2026

Azap-aqıretler sebepli hesh kim isenimde silkinbesin dep, bizler usılay isledik. Azap shegiw táǵdirimizge jazılǵanı ózlerińizge málim. Óytkeni sizler menen birge bolǵanımızda, azap shegetuǵınımızdı aldın aytqan edik. Xabarıńız bar, aytqanımızday anıq solay boldı da.

1 Salonikalılar 3:3-4

Bulardı sizlerge Mende bolıp, tınıshlıq alıwıńız ushın ayttım. Bul dúnyada qıyınshılıq kóresizler, biraq márt bolıńlar, Men dúnyanı jeńdim!

Yuxan 16:33

Oqların atıp, dushpanlardı pıtırattı, Shaqmaq shaqtırıp, olardı albıratıp tasladı.

Zabur 17:15

Tún ótip, kúndiz jaqınladı. Sonlıqtan qarańǵılıqtıń islerin taslap, nurdıń sawıt-quralların taǵıp alayıq.

Rimliler 13:12

Ol ólimdi máńgige jutıp jiberedi. Quday Iye hámmeniń kóz jasın súrtip qoyadı, Óz xalqınıń shermendeligin pútkil jer júzinen alıp taslaydı. Bunı Jaratqan Iye ayttı.

Iyshaya 25:8

Quday olardıń barlıq kóz jasların súrtip taslaydı. Endi ólim de, qayǵı da, jılaw da, azap ta bolmaydı. Óytkeni burınǵılar ótip ketti».

Ayan 21:4

Onnan soń, jasap atırǵan bizler, yaǵnıy tiri qalǵanlar olar menen birge Iyemizdi hawada kútip alıw ushın, bultlar ishine alınıp kóterilemiz. Solay etip, hámme waqıt Iyemiz benen birge bolamız. Mine, usı sózler menen bir-birińizdi jubatıńlar.

1 Salonikalılar 4:17-18