Thursday, September 17, 2026

Toy basqarıwshı sharapqa aylanǵan suwdı tatıp kórdi. Onıń qayaqtan kelgenin bilmedi, tek alıp kelgen xızmetshiler ǵana biletuǵın edi. Toy basqarıwshı kúyewdi shaqırıp: – Hár bir adam aldın jaqsı sharaptı, adamlar más bolǵannan soń pásiregin beredi. Biraq sen jaqsı sharaptı házirge deyin saqlapsań-ǵo, – dedi.

Yuxan 2:9-10

Awızdıń awqattıń dámin ajıratqanınday, Qulaq ta sózlerdiń mánisin ayıradı.

Ayup 34:3

Zaburda: «Men isendim hám sonıń ushın sóyledim», – dep jazılǵan. Usınday isenimdi payda etken Muxaddes Ruwxqa iye bolǵanımız sebepli, bizler de isenemiz hám sonlıqtan sóyleymiz.

2 Korinfliler 4:13

Sonlıqtan bul sebepli azap shegip atırman. Biraq ta, men arlanbayman. Sebebi Kimge isengenimdi bilemen hám maǵan tapsırılǵandı Onıń Óziniń sol kúnge deyin saqlay alatuǵınına da isenemen.

2 Timofey 1:12

Jigitler arasında meniń súyiklim, Toǵay aǵashları arasındaǵı alma aǵashına megzer. Sayasında otırıw maǵan ráhát baǵıshlar, Miywesiniń dámi awzımnan ketpes.

Qosıqlar qosıǵı 2:3

Ya bolmasa, Qudaydıń keń peyilliliginiń seni táwbege alıp keletuǵının bilmey, Onıń sheksiz keń peyilliligin, sabırlılıǵın hám shıdamlılıǵın pisent etpeyseń be?

Rimliler 2:4

Quday, hátte, Óz Ulın da ayamay, Onı bizlerdiń hámmemiz ushın qurbanlıq qılıp baǵıshlaǵan bolsa, Onıń menen birlikte bizlerge hámme nárseni bermes pe eken?

Rimliler 8:32

Jańa tuwılǵan nárestelerdiń ana sútine qushtar bolǵanınday, sizler de ruwxıy taza sút bolǵan Qudaydıń sózine qushtar bolıńlar. Sonda azıq alıp ósip, qutqarılasızlar. Sebebi sizler Iyemizdiń jaqsılıǵın tatıp kórdińler.

1 Petr 2:2-3

Quday, olardı húkim etip, jazala! Dúzgen jobaları apat keltirsin ózlerine, Olar Saǵan qarsı bas kóterer, Gúnaları kóp bolǵanı ushın, olardı quwıp jiber.

Zabur 5:11