Friday, September 11, 2026

Jerge qaytqanıńsha, nanıńdı mańlay terińdi tógip tabatuǵın bolasań. Óytkeni sen topıraqsań, topıraqtan jaratılǵanıń sebepli jáne topıraqqa aylanasań.

Jaratılıs 3:19

Hátte, bizler sizler menen birge bolǵanımızda: «Kim de kim miynet etiwdi qálemese, awqat ta jemesin», – degen buyrıqtı bergen edik.

2 Salonikalılar 3:10

Jáne de, sizlerge jol-jorıq bergenimizdey, tınısh ómir súriwdi, óz isińizge kewil bóliwdi hám qollarıńız benen miynet etiwdi maqset etip qoyıńlar.

1 Salonikalılar 4:11

Qolıńnan ne nárse kelse, hámmesin bar kúshiń menen isle. Sen baratuǵın jerde, yaǵnıy óliler mákanında jumıs ta, oy-pikir de, bilim de, danalıq ta joq.

Wazshı 9:10

Ele kúndiz eken, Meni Jibergenniń islerin islewimiz kerek. Tún keledi, sonda hesh kim isley almaydı.

Yuxan 9:4

Solay eken, jaqsılıq islewden jalıqpańlar. Eger hálsizlenip qalmasaq, waqtı kelgende jemisin orıp alamız.

Galatiyalılar 6:9

Solay etip, súyikli tuwısqanlarım, taysalmay bekkem turıńlar hám Iyemizdiń xızmetinde bárqulla ǵayratlı bolıńlar. Óytkeni Iyemizdiń jolında etken xızmetińizdiń bosqa ketpeytuǵının bilesizler.

1 Korinfliler 15:58

Demek, Qudaydıń xalqı ushın haqıyqıy dem alatuǵın waqıt keledi.

Evreyler 4:9

«Mına eń sońında kelgenler bir saat ǵana jumıs isledi. Al siz olardı kúni boyı azaplanıp, ıssıǵa kúyip jumıs islegen bizler menen teń ettińiz», – depti.

Matta 20:12

Burın olarǵa: «Bul – tınıshlıq jeri, sharshaǵanlar dem alsın. Bul – dem alıw ornı», – degen edi. Biraq olar tıńlamadı.

Iyshaya 28:12