Friday, September 18, 2026

Iysa hayalǵa: – Eger sen Qudaydıń sıyın hám «Maǵan ishiwge suw ber», – dep aytıp turǵannıń kim ekenin bilgenińde, seniń óziń Onnan sorar ediń, Ol saǵan tiri suw berer edi, – dep juwap berdi.

Yuxan 4:10

Bayramnıń sońǵı, ullı kúninde Iysa ornınan turıp, bálent dawıs penen bılay dedi: – Kim de kim shóllese, Maǵan kelip ishsin.

Yuxan 7:37

Iysa bunday dep, Ózine isenetuǵınlar alatuǵın Muxaddes Ruwx haqqında aytqan edi. Sebebi Ol ele ullılıqqa erispegenlikten, olarǵa Muxaddes Ruwx ele berilmegen edi.

Yuxan 7:39

Úyimde azıq-awqat bolıwı ushın, barlıq onnan birlerińizdi zatlar saqlanatuǵın bólmege alıp kelińler. Meni usılayınsha sınap kórińler», – deydi Álemniń Jaratqan Iyesi. «Sonda aspan qaqpaqların ashaman, sizlerdiń ústińizge bereket jawdırıp, tolıp tastıraman.

Malaxiya 3:10

Solay etip, ózlerińiz jaman bola tura, balalarıńızǵa jaqsı sıylar beriwdi bilseńiz, onda aspandaǵı Áke de Ózinen soraǵanlarǵa Muxaddes Ruwxtı beriwi sózsiz.

Luka 11:13

Sonlıqtan sizlerge aytatuǵınım: sorańlar, sizlerge beriledi. Izleńler, tabasızlar. Esikti qaǵıńlar, ol sizlerge ashıladı.

Luka 11:9

Sizler endi Qudaydıń balaları boldıńlar. Sonlıqtan Ol Óz Ulınıń Ruwxın júreklerińizge jiberdi. Usı Ruwx arqalı sizler Qudaydı: «Áke, Ákejanım!» dep shaqırıwıńızǵa boladı.

Galatiyalılar 4:6

Sebebi sizler ózlerińizdi jáne qul etip, qorqınısh beretuǵın ruwxtı emes, al ózlerińizdi Qudayǵa bala qılǵan Muxaddes Ruwxtı qabıl ettińiz. Usı Ruwx arqalı Qudaydı: «Áke, Ákejanım!» dep shaqırasız.

Rimliler 8:15