Басқаларды Ийемиз Ийсаға алып келиў қандай әжайып, дуўада болсын, яки қутқарылыў ушын болсын. Досын Ийеге алып келген бул төрт адамға еликлейик!
Ийемиз Ийса адамның физикалық кемшилигин көрди; бирақ оннан да көп Ол бул адамның жүрегин ҳәм руўхый мүтәжлигин көрди. Ехова тек ғана сыртқы көриниске емес, ал жүрекке қарайды (1 Сам. 16:7). Ехова енди Өзи олардың алдында Адам, Адам Улы сыпатында турған еди.
Ҳәм солай Ийе бул паралич болған адамға оның гүналары кеширилгенин жәриялады. Басқа жерде, биз кешириўдиң тийкары Масихтың биз ушын төккен қаны екенин табамыз (Ефес. 1:7). Бирақ, бул жерде, тийкарғы мәселе сол, жердеги Адам Улының гүналарды кешириўге барлық ҳүкими бар еди. Бул Оның тек ғана Адам емес, ал Қудайдың Өзи екенин аңлатты! Жазыўшылар тек ғана Қудай гүналарды кешириўи мүмкин екенинде ҳақыйқый еди (Марк 2:7), бирақ олардың алдында денеде көринген Қудай турған еди!
Маттайдың есабындағы 4-аятқа итибар бериң: ол бизге былай дейди: «Ийса, олардың ойларын билип». Адам Улы сыпатында, Ийе тек ғана паралич болған адамның жүрегин емес, ал жазыўшылардың ойларын да билген. Ҳақыйқатында да, Ол Ехова, ким бизди излейди ҳәм биледи, ҳәм ким биздиң ойларымызды узақтан түсинеди (Заб. 139:1–4).
Соңынан, Адам Улы сыпатында гүналарды кешириўге ҳақыйқатында да бул күшке ийе екенин көрсеттиў ушын, Ийемиз Ийса сол адамның параличин де емледи ҳәм оған турып, жүриўди айтты. Ийе бул адамды жүргизгендей, Ол Адам Улы сыпатында гүналарды кешириўге қәдир.
