Sunday, September 27, 2026

Sonda azǵırıwshı shaytan Onıń qasına kelip: – Eger Sen Qudaydıń Ulı bolsań, mına taslarǵa buyır, olar nanǵa aylansın! – dedi. Iysa juwap qaytarıp: «Adam tek ǵana nan menen emes, al Qudaydıń awzınan shıqqan hár bir sóz benen jasaydı», – dep aytılǵan, – dedi.

Matta 4:3-4

Iysa oǵan: – «Qudayıń Jaratqan Iyeni sınama!» – dep te jazılǵan, – dedi.

Matta 4:7

Sonda Iysa oǵan: – Joq bol kózimnen, shaytan! «Qudayıń Jaratqan Iyege sıyınıp, tek Oǵan xızmet et!» – dep Muxaddes Jazıwda aytılǵan, – dedi. Sonnan keyin, shaytan Onıń qasınan ketti. Sonda perishteler kelip, Iysaǵa xızmet etti.

Matta 4:10-11

Qudaydıń adamı oǵan: – Jolımnan qaytıp, siz benen kete almayman. Bul jerde nan da jemeymen, suw da ishpeymen. Óytkeni Jaratqan Iye maǵan: «Ol jerde hesh nárse iship-jeme hám barǵan jolıń menen qaytpa», – dep buyrıq berdi, – dep juwap berdi. Ǵarrı payǵambar oǵan: – Men de sen sıyaqlı bir payǵambarman. Jaratqan Iyeniń buyrıǵı boyınsha bir perishte kelip, maǵan: «Onı qaytarıp, úyińe ákel. Ol nan jep, suw iship alsın», – dep ayttı, – dedi. Biraq ǵarrı payǵambar Qudaydıń adamın aldaǵan edi. Solay etip, Qudaydıń adamı ǵarrı payǵambar menen birge izine qayttı hám onıń úyine barıp, iship-jedi.

3 Patshalar 13:16-19

Qudaydıń adamın joldan qaytarǵan ǵarrı payǵambar bunı esitkende: «Jaratqan Iyeniń sózine boysınbaǵan Qudaydıń adamı sol boladı. Sonlıqtan Jaratqan Iye Óz sózi boyınsha oǵan bir arıslandı jiberdi. Arıslan onı tilkimlep óltirdi», – dedi.

3 Patshalar 13:26

Biraq eger de bizler ózlerimiz kelip yamasa aspannan bir perishte kelip, ózlerimiz sizlerge aytqan Xosh Xabarǵa qarsı «xosh xabar» járiyalap atırǵan bolsa, ol Qudaydıń ǵarǵısına ushırasın!

Galatiyalılar 1:8

I have hidden your word in my heart, that I might not sin against you.

Psalms 119:11