Kalendarlar

Saturday, September 26, 2026

Kúndelik Jarıq

Sep 26, 2026

Shiriytuǵın hám óletuǵın denemiz shirimeytuǵın hám ólmeytuǵın bolıp ózgerse, Muxaddes Jazıwda aytılǵan mına sózler iske asadı: «Ólim joq etildi, ol jeńildi!»

1 Korinfliler 15:54

Biraq, Qudayǵa shúkirler bolsın! Ol bizlerdi Iyemiz Iysa Masiyx arqalı jeńiske eristire beredi.

1 Korinfliler 15:57

Bul balalar et hám qannan ibarat bolǵanlıqtan, Iysanıń Ózi de olarǵa teńlesip, et hám qannan ibarat bolǵan adamnıń denesine iye boldı. Bunı Ol ólim ústinen biylikke iye bolǵandı, yaǵnıy shaytandı Óz ólimi arqalı nabıt qılıw ushın hám ómir boyı ólim qorqınıshı sebepli qul bolǵanlardıń hámmesin azat qılıw ushın isledi.

Evreyler 2:14-15

Eger bizler Masiyx penen birge ólgen bolsaq, Onıń menen birge jasaytuǵınımızǵa da isenemiz. Sebebi Masiyxtıń ólimnen tirilip, qaytıp ólmeytuǵının hám endi ólimniń Onıń ústinen húkimdarlıq ete almaytuǵının bilemiz. Masiyx gúnanı joq qılıw ushın birinshi hám sońǵı márte óldi. Al endi bolsa, Ol Quday ushın jasap atır. Sonlıqtan sizler de ózlerińizdi gúna ushın óli dep, al Masiyx Iysa menen qatnasta bolıp, Quday ushın tiri dep esaplańlar.

Rimliler 6:8-11

Biraq, bulardıń hámmesiniń ústinen bizlerdi súyetuǵın Masiyx sebepli úlken jeńiske erisemiz.

Rimliler 8:37

Jasalma intellekt járdeminde awdarılanǵan, Muqaddas Kitap citataları da sonda — qálegen siltemeni ashıp, Muxaddes Kitap awdarmasında oqıń.

The Bible in the Karakalpak language (ISO:kaa) published in 2022

Mukaddes Kitap úzindileri Daily Light on the Daily Path kitabıńan (jámiyetlik múlk).

Sońǵı kúnler