Kúndelikli nur, 29-sentyabr: Saǵan bergen miyrimim jeterli

Súyispenshiliktiń ne ekenin Masiyxtıń bizler ushın Óz janın bergeninen bilemiz.

1 Yuxan 3:16

Sizler aqıl-oyǵa sıymaytuǵın usı súyispenshilikti bilip.

Efesliler 3:19

Dosları ushın óz janın bergen adamnıń súyispenshiliginen artıq súyispenshilik joq.

Yuxan 15:13

Sebebi sizler Iyemiz Iysa Masiyxtıń miyrimin bilesizler: Ol Ózi bay bola tura, sizler ushın bul dúnyada jarlı boldı. Onıń jarlılıǵı menen sizler ruwxıy baylıqqa iye boldıńız.

2 Korinfliler 8:9

Súyikli tuwısqanlarım! Quday bizlerdi usılay súygen bolsa, bizler de bir-birimizdi súyiwge parızlımız.

1 Yuxan 4:11

Al bir-birińizge miyirman hám jan ashır bolıńlar. Quday sizlerdi Masiyx arqalı keshirgendey, sizler de bir-birińizdi keshirińler.

Efesliler 4:32

Bir-birińizge shıdamlı hám keshirimli bolıńlar. Eger kim de kim birewden ókpeli bolsa, Iyemizdiń sizlerdi keshirgeni sıyaqlı, sizler de bir-birińizdi keshirińler.

Kolosalılar 3:13

Sebebi Adam Ulı Ózine xızmet ettiriwge emes, al Ózi xızmet etiwge hám kóplerdiń azatlıq qunın tólew ushın, Óz janın baǵıshlawǵa keldi, – dedi.

Mark 10:45

Masiyxtıń Ózi sizler ushın azap shegip, Onıń izinen júriwińiz ushın órnek kórsetti.

1 Petr 2:21

Sizler de bir-birińizdiń ayaqlarıńızdı juwıwıńız tiyis. Men sizlerge ne islegen bolsam, sizler de sonı islewińiz ushın, Men sizlerge órnek kórsettim.

Yuxan 13:14–15

Sonlıqtan bizler de tuwısqanlarımız ushın óz janımızdı beriwimiz shárt.

1 Yuxan 3:16

Ózliginen hesh nárse isley almaydı. Áke neni islese, Ulı da sonı isleydi.

Yuxan 5:19

Danalıqtı Jaratqan Iye berer, Bilim hám túsinik Onıń awzınan shıǵar.

Hikmetler 2:6

Sebebi Men sizlerge sonday sheshenlik penen danalıq beremen, sizlerge qarsı shıqqanlardıń hesh qaysısı da qarsı sóyley de, sózlerińizdi biykarlay da almay qaladı.

Luka 21:15

Jaratqan Iyege úmit qıl, Kúshli hám márt bol.

Zabur 26:14

Saǵan bergen miyrimim jeterli. Sebebi Meniń qúdiretim hálsizlik arqalı tolıq kórsetiledi.

2 Korinfliler 12:9

Ákemiz Quday tárepinen shaqırılǵanlarǵa sálem!

Yahuda 1:1

Óytkeni muxaddes qılıwshı Iysa hám Ol muxaddes qılǵan iseniwshilerdiń hámmesi bir Ákeden. Sonlıqtan Iysa olardı «tuwısqanlarım» dep atawǵa uyalmaydı.

Evreyler 2:11

Aspan menen jerdi Men toltırmayman ba? – deydi Jaratqan Iye.

Eremiya 23:24

Pútkil barlıqtı toltırıp turǵan Masiyxtıń tolılıǵına iye.

Efesliler 1:23

Men, tek jalǵız Men – Jaratqan Iyemen. Mennen basqa Qutqarıwshı joq.

Iyshaya 43:11

Onıń haqıyqattan da dúnyanıń Qutqarıwshısı ekenin bilgenimiz sebepli isenemiz, – dedi.

Yuxan 4:42

Ortaq isenimimiz boyınsha haqıyqıy ulım bolǵan Titusqa Ákemiz Quday hám Qutqarıwshımız Iysa Masiyx miyrim hám tınıshlıq bersin!

Titus 1:4