Kúndelikli nur, 4-oktyabr: Júzinen nur shashıp tur edi

Júzinen nur shashıp tur edi. Biraq bunı ózi bilmedi.

Shıǵıw 34:29

Bizlerdiń emes, Jaratqan Iye, bizlerdiń emes, Súyispenshiligiń hám sadıqlıǵıń haqı.

Zabur 113:9

Bizler qashan ash bolǵanıńdı kórip, Saǵan awqat berdik, qashan shóllegenińdi kórip, suw berdik?

Matta 25:37

Al hár birińiz kishipeyillik penen, basqalardı ózińizden ústin dep esaplańlar.

Filipliler 2:3

Sebebi: «Quday menmenlerge qarsı turadı.

1 Petr 5:5

Sonda olardıń aldında Iysanıń túr-túsi ózgerdi: Onıń júzi quyashtay jarqıradı, kiyimleri jarıq sıyaqlı appaq boldı.

Matta 17:2

Joqarǵı keńeste otırǵanlardıń hámmesi Stepannıń júzine tigilip qarap, onıń júziniń perishteniń júzine uqsas ekenin kórdi.

Elshiler 6:15

Seniń Maǵan bergen ullılıǵıńdı olarǵa berdim.

Yuxan 17:22

Bizlerdiń hámmemiz perdesiz júz benen Iyemizdiń ullılıǵın kóremiz. Sol arqalı Oǵan uqsaw ushın ózgerip, ullılıq ústine ullılıqqa erisip baramız. Bul Ruwx bolǵan Iyemizdiń járdeminde iske asadı.

2 Korinfliler 3:18

Sizler – dúnyanıń nurısızlar. Taw basına salınǵan qala jasırın bolıp qalmaydı. Sonday-aq shıranı jaqqannan soń, onı ıdıstıń astına emes, al shıra qoyǵıshqa qoyadı, sonda ol úydegilerdiń hámmesine óz jaqtısın túsiredi.

Matta 5:14–15

Hár qıylı is-háreketler bar, biraq barlıq iseniwshi adamlardıń hár bir isinde háreket etiwshi Quday jalǵız.

1 Korinfliler 12:6

Dawıt filistler menen birge Shaulǵa qarsı urısıw ushın barǵanda, Menashshe urıwınıń bazı adamları Dawıttıń tárepine ótken edi ... Olar márt jawıngerler bolıp, Dawıttıń ordasında láshkerbasılıq xızmetin atqardı hám qaraqshılar toparına qarsı gúresiwde Dawıtqa járdem berdi.

1 Jılnama 12:19, 21

Pútkil iseniwshiler jámáátiniń paydası ushın, Muxaddes Ruwx hár bir iseniwshige Óz sıyın beredi.

1 Korinfliler 12:7

Issaxar urıwınan: dáwir talabın túsinetuǵın, Izraildıń ne islew kerekligin biletuǵın eki júz láshkerbası hám olardıń qol astındaǵı adamlar.

1 Jılnama 12:32

Muxaddes Ruwx birewge aqıl-danalıq sózlerin, birewge bilim sózlerin.

1 Korinfliler 12:8

Zebulon urıwınan: eliw mıń adam. Olar urıs qurallarınıń hámme túri menen qurallanǵan bolıp, Dawıtqa shın júrekten járdem beriw ushın keldi.

1 Jılnama 12:33

Óziniń pútkil jollarında turaqsız bolǵan, bunday eki oylı adam Iyemizden bir nárse alaman, dep oylamasın.

Yaqıp 1:8

Bunı Ol denede bóliniw bolmasın, al músheler bir-birine ǵamxorlıq kórsetsin dep isledi. Eger bir múshe azap shekse, pútkil músheler birlikte azap shegedi. Bir múshe mártebege erisse, pútkil músheler birlikte quwanadı.

1 Korinfliler 12:25–26

Iyemiz bir, isenimimiz bir, suwǵa shomıldırılıw rásimimiz bir.

Efesliler 4:5