Kúndelikli nur, 6-oktyabr: Men qılǵandı kim biykarlay aladı?

Qúdireti kúshli Qudayımız Jaratqan Iye patshalıq etedi.

Ayan 19:6

– Men bilemen, Seniń qolıńnan hámme nárse keledi.

Ayup 42:2

– Adamlardıń qolınan kelmegen nárse Qudaydıń qolınan keledi, – dedi Iysa.

Luka 18:27

Ol aspandaǵı kúshlerdiń hám dúnyada jasap atırǵanlardıń ústinen, Óziniń qálegen húkimin shıǵarar. Hesh kim Onı toqtata almas, Oǵan «Ne qılıp atırsań?» – dep hesh kim ayta almas.

Daniel 4:32

Men uslaǵandı hesh kim jazdıra almaydı. Men qılǵandı kim biykarlay aladı?

Iyshaya 43:13

Ákejanım! Saǵan hámmesi múmkin. Bul azap kesesin Mennen awlaq qıl.

Mark 14:36

Ol úyge kirgende, Onıń qasına soqırlar da keldi. Iysa olardan: – Meniń bunı isley alatuǵınıma isenesizler me? – dep soradı. Olar: – Awa, Iyem, isenemiz, – dep juwap berdi. Sonda Iysa olardıń kózlerine qolın tiygizip: – Sizlerge isenimińiz boyınsha bolsın, – degende.

Matta 9:28–29

Iyem, eger Sen qáleseń, meni kesellikten tazalay alasań, – dedi. Iysa qolın sozıp, oǵan tiygizdi de: – Qáleymen, tazalan! – dedi.

Matta 8:2–3

Kúshli Quday.

Iyshaya 9:6

Maǵan aspanda da, jerde de pútkil biylik berilgen.

Matta 28:18

Bazılar sawash arbalarǵa, Bazılar atlarǵa isenedi, Bizler Qudayımız Jaratqan Iyeniń atın aytıp shaqıramız.

Zabur 19:8

Kúshli hám márt bolıńlar! Assiriya patshası hám onıń sansız ordası sebepli qorqıp, ruwxlarıńız túspesin! Sebebi bizler menen Bolǵan, olar menen bolǵannan kúshlirek.

2 Jılnama 32:7

Jaratqan Iye saǵan nelerdi ayttı?

1 Patshalar 3:17

Háy, adamzat, neniń jaqsı ekenin, Jaratqan Iye bildirdi saǵan, Onıń sennen talap qılatuǵını ibaratdur mınadan: Ádillik qılıp, súyispenshilikke sadıq bol, Múláyim bolıp, Quday menen birge júr.

Mixa 6:8

Men búgin sizlerge berip atırǵan Jaratqan Iyeniń buyrıqlarına hám qaǵıydalarına ámel qılıńlar, sonda abadan turmıs keshiresiz.

Nızamnıń qaytalanıwı 10:13

Muxaddes Nızamdı orınlawı arqalı aqlanatuǵınına isenetuǵınlardıń hámmesine nálet jawadı. Óytkeni Muxaddes Nızamda bılay dep jazılǵan: «Muxaddes Nızam kitabında jazılǵan hámme nárseni muqıyatlı túrde orınlamaytuǵın hár bir adam náletiy boladı». Muxaddes Nızamdı orınlawı arqalı hesh bir adam Quday aldında aqlana almaytuǵını anıq. Sebebi: «Haq adam isenimi menen jasaydı», – dep jazılǵan. Onday bolsa, Muxaddes Nızam ne ushın berilgen? Ol gúnalarımızdı ashıp kórsetiw ushın, kelisimge qosımsha etip berilgen. Ózi Qudaydıń wádesi hám Ibrayımnıń urpaǵı bolǵan Masiyx kelgenge deyin ǵana Muxaddes Nızam háreket etedi.

Galatiyalılar 3:10–11, 19

Quday áyyemgi zamanlarda payǵambarlar arqalı kóp mártebe hám hár túrli jollar menen ata-babalarımızǵa sóylegen edi. Al bul sońǵı waqıtlarda bolsa, Quday bizlerge Óz Ulı Iysa arqalı sóyledi.

Evreyler 1:1–2

Qulıń tıńlap tur, – dep ayt.

1 Patshalar 3:9