Kúndelikli nur, 13-oktyabr: Meniń anam hám tuwısqanlarım!

Sen bul xabar haqqında túsinik alıwdı niyet etip, Qudayıńnıń aldında ózińdi kishipeyil tutqan kúnińnen-aq seniń duwań qabıl etildi.

Daniel 10:12

Biyik hám bálent Bolǵan, Máńgi jasaytuǵın, Atı Muxaddes Bolǵan bılay deydi: «Men biyik, muxaddes jerde jasayman, Sonday bolsa da, ruwxı túskenlerdiń ruwxın kóteriw, Ezilgenlerdiń júregin janlandırıw ushın, Ezilgenler hám ruwxı túskenler menen birgemen.

Iyshaya 57:15

Saǵan maqul bolatuǵın qurbanlıq – ezilgen ruwxdur, Ezilgen hám táwbe qılǵan júreklerden, Sen júz burmassań, Quday.

Zabur 50:19

Jaratqan Iye, Sen joqarıda bolsań da, Kishipeyil adamlarǵa názer awdarasań, Menmenlerdi uzaqtan bileseń.

Zabur 137:6

Sonlıqtan ózlerińizdi Qudaydıń qúdiretli qolı astında pás tutıńlar. Sonda belgilengen waqıt kelgende, Ol sizlerdi mártebeli etedi.

1 Petr 5:6

Sonlıqtan Muxaddes Jazıwda: «Quday menmenlerge qarsı turadı, Biraq kishipeyillilerge Óz miyrimin beredi», – delingen. Solay etip, Qudayǵa boysınıńlar!

Yaqıp 4:6–7

Sen iygilikli hám keshirimliseń, Iye, Seni shaqırǵanlardıń hámmesine súyispenshiligiń ullı. Qulaq sal meniń duwama, Jaratqan Iye, Jalbarınǵan dawısıma dıqqat et! Qıyın kúnlerimde Seni shaqıraman, Sen meni esiteseń.

Zabur 85:5–7

Aspanda orınlanǵanı sıyaqlı, Jerde de Seniń erkiń orınlansın.

Matta 6:10

Iyemizdiń qálewiniń ne ekenin túsinińler.

Efesliler 5:17

Sol sıyaqlı, sizlerdiń aspandaǵı Ákeńiz mına kishkenelerdiń birewiniń de joytılıwın qálemeydi.

Matta 18:14

Qudaydıń erki – sizlerdiń muxaddes bolıwıńızdan ibarat. Yaǵnıy.

1 Salonikalılar 4:3

Bunnan bılay, dúnyadaǵı ómirińizdiń qalǵan bóleginde adamnıń jaman qálewleri boyınsha emes, al Qudaydıń erki boyınsha jasańlar.

1 Petr 4:2

Onıń jaratqanlarınıń arasında birinshi miyweleri bolıwımız ushın, Ol Óz qálewi boyınsha bizlerdi haqıyqat sózi menen ómirge eristirdi. Sonlıqtan hár qanday iplaslıqtı hám tasıp baratırǵan jamanlıqtı taslap.

Yaqıp 1:18, 21

Muxaddes bolıń, óytkeni Men muxaddespen.

1 Petr 1:16

Meniń anam hám tuwısqanlarım! Kim de kim Qudaydıń erkin orınlasa, Meniń tuwısqanım da, anam da – sol, – dedi.

Mark 3:34–35

Meniń usı sózlerimdi tıńlap, olardı orınlawshılardıń hár biri óz úyin jartas ústine salǵan aqıllı adamǵa uqsaydı. Jawın jawıp, dáryalar tasıp, samal esip, bul úydi soqqıladı, biraq ol jartas ústine salınǵanlıqtan qulamadı.

Matta 7:24–25

Dúnya hám onıń qálewleri ótip ketedi, biraq Qudaydıń erkin orınlaǵan adam máńgi jasaydı.

1 Yuxan 2:17