Kúndelikli nur, 11-oktyabr: Mennen uzaq bolma (Zabur 21:12)

Mennen uzaq bolma, Apat jaqın maǵan.

Zabur 21:12

Jaratqan Iye, qashanǵa deyin meni umıtasań? Máńgige me? Qashanǵa deyin, júzińdi mennen jasırasań? Qashanǵa deyin, janım azapta qalıp, Kún dawamında júregim ǵamǵa toladı?

Zabur 12:2–3

Júzińdi mennen jasırma, Ǵázeplenip, qulıńnan júz burma! Járdemshim Sen boldıń, Júz burıp, meni tárk etpe, Quday, qutqarıwshım meniń!

Zabur 26:9

Meni shaqırǵanda, oǵan juwap beremen, Basına is túskende, onıń qasında bolaman, Onı qutqarıp, izzet kórsetemen.

Zabur 90:15

Jaratqan Iye Ózin shaqırǵanlarǵa, Shın kewilden shaqırǵanlarǵa jaqın boladı. Ózinen qorqqanlardıń tilegin beredi, Nalasın esitip, olardı qutqaradı.

Zabur 144:18–19

Sizlerdi jetim qılıp qaldırmayman, sizlerge qaytıp kelemen.

Yuxan 14:18

Men dúnyanıń aqırına deyin hámme waqıt sizler menen birge bolaman!

Matta 28:20

Quday bizlerdiń panamız hám kúshimiz, Apatta qalǵanımızda, isenimli járdemshimiz.

Zabur 45:2

Janım tek ǵana Qudayda tınıshlıq tabar, Qutqarılıw maǵan Onnan keler.

Zabur 61:2

Háy janım, jalǵız Qudaydan tınıshlıq tap, Meniń úmitim Onıń Ózi.

Zabur 61:6

Seniń atıń muxaddes bola bersin.

Matta 6:9

Basqa qudaylarǵa sıyınbań. Óytkeni Men qızǵanıwshı degen atı bar Jaratqan Iyemen, qızǵanıwshı Qudayman.

Shıǵıw 34:14

Jaratqan Iye, qudaylar arasında Saǵan uqsaǵanı bar ma? Sen sıyaqlı muxaddeslikte ullı, aybatı menen alǵısqa ılayıq bolǵan, Káramatlar jaratıwshı bar ma?

Shıǵıw 15:11

Qúdireti kúshli Quday Iye.

Ayan 4:8

Muxaddes sán-sawlatqa bólengen Jaratqan Iyege sıyınıń!

1 Jılnama 16:29

Patsha Uzziya ólgen jılı men biyik hám saltanatlı taxt ústinde otırǵan Iyemizdi kórdim. Onıń kiyiminiń etekleri Ibadatxananı toltırıp turǵan edi. Onıń joqarısında seraflar turǵan bolıp, hár biriniń altı qanatı bar edi ... Olar bir-birine dawıslap bılay dep aytıp turdı: «Álemniń Jaratqan Iyesi, Muxaddes, muxaddes, muxaddes! Pútkil álem Onıń saltanatına tolǵan». Sonda men: – Sorım qurısın! Qurıp qaldım!

Iyshaya 6:1–3, 5

Burın men Sen tuwralı tek qulaqlarım menen esitken edim, Al házir Seni óz kózlerim menen kórip turman. Sonlıqtan burınǵı aytqanlarıma ókinip, Táwbe qılıp, topıraq penen kúlde otırman.

Ayup 42:5–6

Bir-birimiz benen qarım-qatnasta bolamız hám Onıń Ulı Iysanıń qanı bizlerdi hár qanday gúnadan tazalaydı.

1 Yuxan 1:7

Biraq Quday Onıń muxaddesligine sherik bolıwımız ushın, bizlerdiń paydamızdı oylap tárbiyalaydı.

Evreyler 12:10

Sonlıqtan háy tuwısqanlarım, Iysanıń qanı sebepli aspandaǵı Eń muxaddes bólmege kiriwge bizlerde batıllıq bar. Sol sebepten Onıń qanı menen hújdanımız ayıplaǵan islerden janımızdı tazalap hám denemizdi taza suw menen juwıp, tolıq isenim menen shın júrekten Qudayǵa jaqınlayıq.

Evreyler 10:19, 22