Kúndelikli nur, 10-oktyabr: Meniń anam hám tuwısqanlarım!

Ol aspandaǵı hám jer júzindegi hár qanday milletke at bergen.

Efesliler 3:15

Quday da bir. Ol hámmeniń ústinen húkimdar, hámme arqalı háreket etiwshi, hámmemizde bar bolǵan, hámmemizdiń Ákemiz.

Efesliler 4:6

Solay eken, Masiyx Iysaǵa isengenińiz ushın, hámmeńiz Qudaydıń balalarısız.

Galatiyalılar 3:26

Belgilengen waqıt bolǵanda ámelge asatuǵın Qudaydıń jobası – jerdegilerdiń hám aspandaǵılardıń hámmesin Masiyxtıń basshılıǵında birlestiriwden ibarat.

Efesliler 1:10

Sonlıqtan Iysa olardı «tuwısqanlarım» dep atawǵa uyalmaydı.

Evreyler 2:11

Meniń anam hám tuwısqanlarım! Sebebi kim de kim Meniń aspandaǵı Ákemniń erkin orınlasa, Meniń tuwısqanım da, anam da – sol.

Matta 12:49–50

Meniń Ákemniń hám sizlerdiń Ákeńizdiń, Meniń Qudayımnıń hám sizlerdiń Qudayıńızdıń aldına kóterilip baratırǵanımdı ayt.

Yuxan 20:17

Qurbanlıq orınnıń astında Qudaydıń sózi hám ózleri aytqan gúwalıqları ushın óltirilgenlerdiń janların kórdim. Olar bálent dawıs penen baqırıp bılay dedi: «Muxaddes hám haqıyqıy Iyemiz! ... Sonda olardıń hár birine aq kiyim berilip: Sizler sıyaqlı óltiriletuǵın ózlerińizdey xızmetshilerdiń hám tuwısqanlarıńızdıń sanı tolıq bolǵanǵa shekem az-maz kútip turıńlar», – delindi.

Ayan 6:9–11

Quday bizlerge bunnan da jaqsıraq nárseni tayarlap qoyıptı.

Evreyler 11:40

Sonlıqtan sizler bılay dep duwa etińler: Aspandaǵı Ákemiz!

Matta 6:9

Iysa bul sózlerdi aytıp bolǵannan soń, kózlerin aspanǵa tigip bılay dedi: – Áke, waqıt keldi.

Yuxan 17:1

Meniń Qudayımnıń hám sizlerdiń Qudayıńızdıń aldına kóterilip baratırǵanımdı ayt.

Yuxan 20:17

Solay eken, Masiyx Iysaǵa isengenińiz ushın, hámmeńiz Qudaydıń balalarısız.

Galatiyalılar 3:26

Sebebi sizler ózlerińizdi jáne qul etip, qorqınısh beretuǵın ruwxtı emes, al ózlerińizdi Qudayǵa bala qılǵan Muxaddes Ruwxtı qabıl ettińiz. Usı Ruwx arqalı Qudaydı: «Áke, Ákejanım!» dep shaqırasız. Muxaddes Ruwxtıń Ózi bizlerdiń ruwxımız benen birlikte Qudaydıń balaları ekenligimiz haqqında gúwalıq beredi.

Rimliler 8:15–16

Sizler endi Qudaydıń balaları boldıńlar. Sonlıqtan Ol Óz Ulınıń Ruwxın júreklerińizge jiberdi. Usı Ruwx arqalı sizler Qudaydı: «Áke, Ákejanım!» dep shaqırıwıńızǵa boladı. Sol sebepten sen endi qul emesseń, al Qudaydıń perzentiseń.

Galatiyalılar 4:6–7

Sizlerge shının, haqıyqatın aytaman: Meniń atım menen Ákemnen ne sorasańlar da, Ol sizlerge beredi. Házirge deyin sizler Meniń atım menen hesh nárse soramadıńlar. Sorańlar, alasızlar, sonda quwanıshıńız tolı boladı.

Yuxan 16:23–24

Sonda Men sizlerdi qabıl etemen». Jáne de, Qúdireti kúshli Jaratqan Iye bılay deydi: «Men sizlerge Áke bolaman, Sizler Meniń ul-qızlarım bolasızlar.

2 Korinfliler 6:17–18