Kúndelikli nur, 16-oktyabr: Olardıń arasınan shıǵıp, bólekleniń

Intańız páseymesin. Erinshek bolmańlar. Iyemizge jalınlı ruwx penen xızmet etińler.

Rimliler 12:11

Qolıńnan ne nárse kelse, hámmesin bar kúshiń menen isle. Sen baratuǵın jerde, yaǵnıy óliler mákanında jumıs ta, oy-pikir de, bilim de, danalıq ta joq.

Wazshı 9:10

Iyemizden sıylıq retinde miyras alatuǵınıńızdı bilip, ne isleseńiz de adamlar ushın emes, al Iyemiz ushın islep atırǵanday bolıp, shın júrekten isleńler. Óytkeni sizler Iyemiz Masiyxqa xızmet etip atırsızlar.

Kolosalılar 3:23–24

Óytkeni qul bolsın, azat adam bolsın, hár bir adamnıń islegen jaqsılıǵınıń Iyemizden qaytatuǵının bilesizler.

Efesliler 6:8

Ele kúndiz eken, Meni Jibergenniń islerin islewimiz kerek. Tún keledi, sonda hesh kim isley almaydı.

Yuxan 9:4

Ákemniń úyinde bolıwım kerek ekenin bilmedińiz be? – dedi.

Luka 2:49

Dep aytılǵan Muxaddes Jazıwdaǵı sózlerdi eslerine túsirdi.

Yuxan 2:17

Qudaydıń sizlerdi shaqırǵanı hám tańlap alǵanı haqıyqat ekenin kórsetiw ushın, ele de kúsh-ǵayrat salıńlar. Usılay isleseńiz, hesh qashan súrnikpeysiz.

2 Petr 1:10

Hár birińiz úmitińizdi aqırına deyin bekkem saqlawıńız ushın, usılay ǵayrat salıwıńızdı árman etemiz. Jáne de erinshek bolmay, Quday tárepinen wáde etilgenlerdi isenim hám sabırlılıq penen alǵanlardan órnek alıwıńızdı qáleymiz.

Evreyler 6:11–12

Sizler de sıylıq alıwıńız ushın solay juwırıńlar.

1 Korinfliler 9:24

Bizlerdiń azǵırılıwımızǵa jol qoymay, Shaytannan qutqara gór.

Matta 6:13

Ózine isengen – aqılsız, Danalıq penen júrgen qáwipsizlikte bolar.

Hikmetler 28:26

Azǵırılıwǵa túskende hesh kim: «Men Quday tárepinen azǵırılıp atırman», – demesin. Sebebi Quday jamanlıq penen azǵırıla almaydı hám Onıń Ózi de hesh kimdi azǵırmaydı. Biraq hár kim óziniń jaman qálewlerine berilip, aldanıp azǵırıladı.

Yaqıp 1:13–14

Sol sebepten Jaratqan Iye bılay deydi: «Olardıń arasınan shıǵıp, bólekleniń. Haram nársege qol tiygizbeń, Sonda Men sizlerdi qabıl etemen».

2 Korinfliler 6:17

Lut átirapına qarap, pútkil Iordan tegisliginiń Soarǵa shekemgi mol suwlı jerlerin kórdi. ... bul jerler Jaratqan Iyeniń baǵınday ... Lut pútkil Iordan tegisligin tańlap ... Sodom xalqı jawız bolıp, Jaratqan Iyege qarsı kóp gúnalar isleytuǵın edi.

Jaratılıs 13:10–11, 13

Al ar-namıssız adamlardıń buzıqlıǵınan azap shekken haq adam Luttı Quday qutqardı. Solay etip, Jaratqan Iye Óz jolı menen júretuǵın adamlardı qıyınshılıqlardan qalay qutqarıwdı hám nahaq adamlardı húkim shıǵarılatuǵın qıyamet-qayım kúnine deyin qalay saqlap.

2 Petr 2:7, 9

Ol ayaqqa turǵızıladı. Sebebi onı ayaqqa turǵızıwǵa Iyemizdiń qúdireti jetedi.

Rimliler 14:4