Kúndelikli nur, 21-oktyabr: Onıń aytqanın tıńlańlar!

Onıń tolılıǵınan hámmemiz miyrim ústine miyrim aldıq.

Yuxan 1:16

Men Oǵan ırzaman. Onıń aytqanın tıńlańlar! – degen saza esitildi.

Matta 17:5

Qarańlar, Qudaydıń balaları dep atalıwımız ushın, Áke bizlerdi qanday ullı súyispenshilik penen súydi! Haqıyqattan da.

1 Yuxan 3:1

Quday bizlerge Óz Ulı Iysa arqalı sóyledi. Quday Óz Ulın pútkil barlıqtıń miyrasxorı etip belgilep.

Evreyler 1:2

Eger bizler Qudaydıń balaları bolsaq, onda miyrasqa iye bolamız. Masiyx penen birge ullılanıw ushın, Onıń menen birge azap sheksek, onda bizler Masiyx penen birge miyrasqa sherik bolǵan Qudaydıń miyrasxorlarımız.

Rimliler 8:17

Men hám Ákem birmiz. ... Meniń Ákede ekenimdi túsinip, bilip alasızlar.

Yuxan 10:30, 38

Meniń Qudayımnıń hám sizlerdiń Qudayıńızdıń aldına kóterilip baratırǵanımdı ayt, – dedi.

Yuxan 20:17

Men olarda, Sen Mendeseń. Meni Seniń jibergenińdi, sonday-aq Seniń Meni súyetuǵınıń sıyaqlı, olardı da súyetuǵınıńdı dúnya biliwi ushın, olar da bir tutas bolsın.

Yuxan 17:23

Iseniwshiler jámáátiniń bası qıldı. Iseniwshiler jámááti Masiyxtıń denesi bolıp, pútkil barlıqtı toltırıp turǵan Masiyxtıń tolılıǵına iye.

Efesliler 1:22–23

Solay etip, súyikli tuwısqanlarım, usınday wádelerge iye bolǵanımız sebepli, denemizdi hám ruwxımızdı iplaslaytuǵın hár bir nárseden ózlerimizdi tazalayıq. Qudaydan qorqıp jasap, minsiz muxaddeslikke jetilisip barayıq.

2 Korinfliler 7:1

Haqıyqatın aytaman: xızmetshi xojasınan ullı emes. Elshi de ózin jibergennen ullı emes. Eger sizler bulardı bilip orınlasańız, baxıtlı bolasızlar!

Yuxan 13:16–17

Sol waqıtta Erusalimde Shimon atlı bir adam bar edi. Ol haq hám dinshil adam bolıp, Izraildıń táselle tabıwın intizarlıq penen kútip júr edi. Muxaddes Ruwx oǵan yar edi ... Shimon Muxaddes Ruwxtıń basqarıwında Ibadatxanaǵa keldi. Iysanıń ata-anası Muxaddes Nızam boyınsha tiyisli úrp-ádetlerdi orınlaw ushın Onı Ibadatxanaǵa alıp kelgende.

Luka 2:24–27

Adam Ulı Ózine xızmet ettiriwge emes, al Ózi xızmet etiwge hám kóplerdiń azatlıq qunın tólew ushın, Óz janın baǵıshlawǵa keldi.

Matta 20:28

Iysa Ákesiniń hámme nárseni Onıń qolına bergenin ... dasturxan basınan turdı. Sırtqı kiyimin sheshti de, bir súlgini alıp beline bayladı. Sońınan lágenge suw quyıp, shákirtleriniń ayaqların juwıp, belindegi súlgi menen súrte basladı.

Yuxan 13:3–5