Kúndelikli nur, 20-oktyabr: Nızamıńdı qanshelli súyemen!

Men ruwxım menen Qudaydıń Nızamın quwanıshlı túrde maqullayman.

Rimliler 7:22

Nızamıńdı qanshelli súyemen! Kúni boyı onıń ústinde oy juwırtaman.

Zabur 118:97

Sózlerińdi tawıp, jedim. Sózleriń maǵan quwanısh, júregime shadlıq alıp keldi. Álemniń Qudayı Jaratqan Iye.

Eremiya 15:16

Sayasında otırıw maǵan ráhát baǵıshlar, Miywesiniń dámi awzımnan ketpes.

Qosıqlar qosıǵı 2:3

Onıń sózlerin kúndelikli tamaǵımnan da ústin qoydım.

Ayup 23:12

Seniń erkińdi orınlawdan ráhátlenemen, Qudayım, Júregimniń tórindedur Seniń nızamıń.

Zabur 39:9

Meniń awqatım – Meni Jibergenniń erkin orınlaw hám Onıń isin tamamlaw.

Yuxan 4:34

Jaratqan Iyeniń pármanları durıs, Júrekti shadlıqqa toltırar. Jaratqan Iyeniń buyrıqları anıq, Olar kózlerge nur berer. Bular altınnan, sap altınnan da qádirli, Pal kózgenekten tamǵan paldan da mazalı.

Zabur 18:9, 11

Sózdi tek tıńlawshılar bolıp, óz-ózińizdi aldamańlar, onı orınlawshılar bolıńlar. Eger kim de kim sózdi tıńlap, onı orınlamasa, ol óz tábiyǵıy kelbetin aynada kórgen adamǵa uqsaydı.

Yaqıp 1:22–23

Taqsır! Men bulardıń hámmesin sizge beremen, – dedi. Sońınan: – Qudayıńız Jaratqan Iyeniń sizge kewli tolsın! – dep qosıp qoydı.

2 Patshalar 24:23

Jaratqan Iyeniń aldına ne alıp barayın? Joqarıdaǵı Qudayǵa qalay sıyınayın? Oǵan arnap jandırılatuǵın qurbanlıq bereyin be? Bir jasar tananı usınayın ba? Oǵan arnap mıńlap qoshqarlardı soysam, Záytún mayın dárya qılıp aǵızsam, Jaratqan Iyeniń mennen kewli tolar ma eken? Ayıbım ushın tuńǵısh ulımdı bereyin be? Gúnam ushın óz perzentimdi qurban eteyin be? Háy, adamzat, neniń jaqsı ekenin, Jaratqan Iye bildirdi saǵan, Onıń sennen talap qılatuǵını ibaratdur mınadan: Ádillik qılıp, súyispenshilikke sadıq bol, Múláyim bolıp, Quday menen birge júr.

Mixa 6:6–8

Hámmemiz haram adamday boldıq, Tuwrı islerimiz de pataslanǵan kiyimge uqsaydı.

Iyshaya 64:6

Hesh bir haq adam joq, Birde biri joq. Óytkeni hámme gúna islegen hám Qudaydıń saltanatınan ayırılǵan. Biraq, adamlar Qudaydıń miyrimi menen, Iysa Masiyxtıń qanı arqalı esheyin aqlanadı. Masiyxqa degen isenim menen, Onıń qanı arqalı gúnaları keshirilsin dep, Quday Masiyxtı adamlar ushın qurbanlıqqa baǵıshladı. ... házirgi waqıtta Ol ádilligin dálillep, Óziniń haq ekenin hám Iysaǵa isengen hár bir adamdı aqlaytuǵının kórsetti.

Rimliler 3:10, 23–26

Quday usılay isledi.

Efesliler 1:6

Sizler de hár qanday hákimshilik hám biyliktiń bası Masiyx penen qatnasta bolıp, usı tolılıqqa eristińiz.

Kolosalılar 2:10