Kúndelikli nur, 18-oktyabr: Bunıń ornına (Yuxan 19:34)

Bunıń ornına, áskerlerdiń biri Onıń búyirin nayza menen testi. Sol waqıtta-aq qan menen suw aǵıp shıqtı.

Yuxan 19:34

Bul – usı aytılǵan hámme sózlerge tiykarlanıp, Jaratqan Iyeniń sizler menen dúzgen kelisiminiń qanı.

Shıǵıw 24:8

Óytkeni janıwarlardıń janı qanında boladı. Qandı sizlerge qurbanlıq orınnıń ústinde ózlerińizdi gúnadan páklewińiz ushın berdim.

Lebiyliler 17:11

Sebebi buǵalar menen tekelerdiń qanı gúnalardı joq qıla almaydı.

Evreyler 10:4

Olarǵa: – Bul – kóp adamlar ushın tógiletuǵın, jańa kelisimdi bekitetuǵın Meniń qanım.

Mark 14:24

Al Óz qanı menen Eń muxaddes bólmege birinshi hám sońǵı mártebe kirip, bizlerge máńgilik qutqarılıw alıp keldi.

Evreyler 9:12

Masiyxtıń atanaq aǵashtaǵı qanı arqalı tınıshlıq ornatıp, Quday Ol arqalı jer hám aspandaǵılardıń barlıǵın Ózi menen jarastırıwdı qáledi.

Kolosalılar 1:20

Ata-babalarıńızdan qalǵan paydasız ómir tárizinen gúmis yamasa altın sıyaqlı ótkinshi nárseler menen satıp alınbadıńlar. Al Qudaydıń minsiz hám kemshiliksiz Qozısı bolǵan Masiyxtıń biybaha qanı menen satıp alınıp qutqarıldıńlar. ... Onı bul aqırǵı kúnlerde sizler ushın jiberdi.

1 Petr 1:18–20

Keyin ústińizge taza suw sebemen, sizler taza bolasız. Sizlerdi barlıq napákligińizden hám barlıq butlarıńızdan tazalayman.

Ezekiel 36:25

Sol sebepten Onıń qanı menen hújdanımız ayıplaǵan islerden janımızdı tazalap hám denemizdi taza suw menen juwıp, tolıq isenim menen shın júrekten Qudayǵa jaqınlayıq.

Evreyler 10:22

Awmiyin.

Matta 6:13

Siziń Qudayıńız Jaratqan Iye de bul qarardı qollap quwatlasın.

3 Patshalar 1:36

Elde pátiya bergen hár bir adam, Haqıyqat Qudayınıń atı menen pátiya beredi, Elde ant ishken hár bir adam, Haqıyqat Qudayı haqı ant ishedi.

Iyshaya 65:16

Quday Ibrayımǵa wáde bergende, Ózinen ullıraq hesh kim bolmaǵanlıqtan, Óziniń atı menen ant iship, Adamlar ózlerinen ullıraq bolǵan menen ant ishedi. Olar ushın ant aytılǵan sózlerdi tastıyıqlap, hár bir tartıstı toqtatadı. Sol sıyaqlı, Quday da Óz erkiniń ózgermeytuǵının wádeni miyras etip alǵanlarǵa ashıq kórsetpekshi bolıp, wádesin ant penen tastıyıqladı. Solay etip, usı eki nárse, yaǵnıy wáde hám ant ózgermeydi. Sebebi Quday olardı aytqanda ótirik sóylewi múmkin emes. Sonlıqtan ózlerimizge berilgen úmitti bekkem saqlawımız ushın, Qudaydan pana tapqan bizler olar arqalı úlken jubanıshqa iye bolamız.

Evreyler 6:13, 16–18

Awmiyin dep atalǵan, sadıq hám haqıyqıy gúwa.

Ayan 3:14

Qudaydıń barlıq wádeleri Masiyx arqalı «awa» bolıp, tolıq orınlanadı. Sonlıqtan Qudaydıń dańqqa bóleniwi ushın, Masiyx arqalı Qudayǵa «awmiyin» deymiz.

2 Korinfliler 1:20

Jaratqan Iye Qudayǵa, Izraildıń Qudayına alǵıslar bolsın. Káramatlar isleytuǵın jalǵız Oldur. Onıń ullı atına máńgi alǵıslar bolsın ... Awmiyin! Awmiyin!

Zabur 71:18–19