Kúndelikli nur, 29-oktyabr: Qáddi-qáwmeti kelisken

Qáddi-qáwmeti kelisken.

Qosıqlar qosıǵı 5:16

Oy-pikirlerim Oǵan maqul bolsın.

Zabur 103:34

Súyiklim meniń qızıl júzli ... On mıń adamnıń arasında ayırılıp turar.

Qosıqlar qosıǵı 5:10

Múyeshke qoyılatuǵın tiykarǵı tastı Sionda ornataman. Oǵan isengen adam hesh qashan uyatqa qalmaydı.

1 Petr 2:6

Adam ulları arasındaǵı eń sulıwısań, Miyrim tógiler tilińnen.

Zabur 44:3

Quday Onı eń biyik mártebege eristirdi hám Oǵan barlıq atlardan joqarı turatuǵın attı berdi.

Filipliler 2:9

Sebebi Quday Óziniń pútkil tolılıǵınıń Onda bolıwın maqul kórdi.

Kolosalılar 1:19

Sizler Masiyxtı kórmegen bolsańız da, Onı súyesizler. Házir Onı kóre almasańız da, Oǵan isenip, sóz benen aytıp jetkiziwge qıyın bolǵan bir ájayıp hám ullı quwanısh penen shadlanbaqtasızlar.

1 Petr 1:8

Men hámme nárseni Iyem Masiyx Iysanı biliwdiń artıqmashlıǵı aldında paydasız dep sanayman. Jáne de, men Masiyx ushın hámme nárseden bas tarttım hám Oǵan erisip, Onıń menen birge bolıw ushın, hámmesin sıpırındı dep esaplayman. Endi Muxaddes Nızamdı orınlawım arqalı alatuǵın óz haqlıǵıma emes, al Masiyxqa degen isenim arqalı beriletuǵın, yaǵnıy Qudaydıń isenimimizge qaray beretuǵın haqlıǵına iyemen.

Filipliler 3:8–9

Biraq Dawıt óz Qudayı Jaratqan Iyeden kúsh aldı.

1 Patshalar 30:6

Iyem, bizler kimge baramız? Sende máńgilik ómir sózleri bar.

Yuxan 6:68

Sebebi Kimge isengenimdi bilemen hám maǵan tapsırılǵandı Onıń Óziniń sol kúnge deyin saqlay alatuǵınına da isenemen.

2 Timofey 1:12

Azap ishinde Jaratqan Iyege jalbarındım, Járdemge shaqırdım Qudayımdı. Ibadatxanasınan Ol dawısımdı esitti, Qıshqırǵanım qulaǵına jetip bardı. Qarsı turdı olar maǵan basıma is túskende, Biraq tirek boldı maǵan Jaratqan Iye. Ol keń jerge shıǵardı meni, Kewli tolıp, qutqardı meni.

Zabur 17:7, 19–20

Hámme waqıtta Jaratqan Iyege alǵıs aytaman, Alǵıs-maqtaw túspeydi awzımnan. Jaratqan Iye menen maqtanar janım, Ezilgenler esitip, shad bolsın! Meniń menen birge Jaratqan Iyeni ullılań, Atın birgelikte dańqqa bóleyik. Jaratqan Iyege jalbarındım, Ol juwap berdi maǵan, Meni azat etti barlıq qáwip-qáterden. Jaratqan Iyeniń jaqsılıǵın tatıń hám kóriń. Qanday baxıtlı Onnan pana tapqanlar.

Zabur 33:2–5, 9