Kúndelikli nur, 25-oktyabr: Hámme nárseniń aqırı jaqın

Men dúnyanıń aqırına deyin hámme waqıt sizler menen birge bolaman!

Matta 28:20

Sizlerge jáne shının aytaman: jer betinde sizlerdiń ekewińiz kelisip ne sorasańız, aspandaǵı Ákem sonı beredi. Sebebi qay jerde eki yamasa úsh adam Meniń atım menen jıynalsa, Men olar menen birgemen.

Matta 18:19–20

Meniń buyrıqlarımdı bilip, olardı orınlaǵan adam – Meni súyetuǵın adam. Meni súygen adamdı Ákem de súyedi. Men de onı súyip, oǵan Ózimdi kórsetemen.

Yuxan 14:21

Iyem, bul qalay bolǵanı, Ózińdi dúnyaǵa emes, bizlerge kórsetejaqsań ba? – dedi. ... Kim de kim Meni súyse, Meniń sózimdi orınlaydı. Ákem de onı súyedi. Bizler oǵan kelip, onıń menen birge jasaymız.

Yuxan 14:22–23

Qutqarıwshımız bolǵan jalǵız Quday sizlerdi jıǵılıwdan saqlawǵa, Óziniń saltanatında ullı quwanısh penen minsiz qılıp turǵızıwǵa qúdiretli. Iyemiz Iysa Masiyx arqalı ázelden, házir hám máńgige, ullılıq, saltanat, kúsh-qúdiret hám húkimdarlıq Qudaydiki bolsın! Awmiyin.

Yahuda 1:24–25

Hámme nárseniń aqırı jaqın.

1 Petr 4:7

Sonda men bir ullı aq taxttı hám taxtta Otırǵandı kórdim. Jer hám aspan Onıń júzinen qashıp, joq bolıp ketti.

Ayan 20:11

Al házirgi aspan hám jer bolsa, otta janıw ushın Qudaydıń sol sózi menen saqlanıp, qudaysız adamlardıń húkim etilip nabıt bolatuǵın kúnine shekem qorǵalıp turıptı.

2 Petr 3:7

Quday bizlerdiń panamız hám kúshimiz, Apatta qalǵanımızda, isenimli járdemshimiz. Sonıń ushın, qorqpaymız jer qıymıldasa da, Tawlar teńizlerdiń túbine qulasa da. Olardıń suwları gúrkirep, joqarı kóterilse de, Kúshli tolqınlar tawlardı titiretse de.

Zabur 45:2–4

Sizler urıslardıń shawqımın hám urıslar tuwralı xabarlardı esitesizler.

Matta 24:6

Quday bizlerge adamnıń qolı menen qurılmaǵan aspandaǵı máńgilik úyimizdi, yaǵnıy jańa deneni beretuǵının bilemiz.

2 Korinfliler 5:1

Biraq bizler Qudaydıń wádesi boyınsha haqlıq ornaǵan jańa aspan menen jańa jerdi kútemiz. Sonlıqtan súyikli tuwısqanlarım, usılardı kútip júrgen ekensiz, Qudaydıń aldında kemshiliksiz hám minsiz bolıwǵa bar kúshińiz benen háreket etip, tınısh jasańlar.

2 Petr 3:13–14