Kúndelikli nur, 26-oktyabr: Jaratqan Iye patshalıq qılmaqta

Jaratqan Iye patshalıq qılmaqta.

Zabur 98:1

Mennen qorqpaysız ba? – deydi Jaratqan Iye. – Meniń aldımda qaltıramaysız ba? Men qumdı teńizge shegara, Máńgi ótip bolmaytuǵın bóget qıldım. Tolqınlar tassa da, ústine shıǵa almaydı, Shuwlasa da, onnan asıp kete almaydı.

Eremiya 5:22

Shıǵıstan da, batıstan da, Tawlı shólden de húkim shıqpas. Biraq qazılıq etiwshi Quday, Birin tómenletip, ekinshisin joqarılatar.

Zabur 74:7–8

Ol zamandı hám dáwirdi ózgerter, Patshalardı taxttan túsirip, taxtqa otırǵızar. Danıshpanlarǵa danalıq, Aqıllılarǵa bilim berer.

Daniel 2:21

Sizler urıslardıń shawqımın hám urıslar tuwralı xabarlardı esitesizler.

Matta 24:6

Eger Quday bizlerdi jaqlasa, bizlerge kim qarsı tura aladı?

Rimliler 8:31

Eki shımshıq bir tiyinǵa satılmay ma? Biraq olardıń birewi de Ákeńizdiń erki bolmasa jerge qulap túspeydi. Baslarıńızdaǵı shashlardıń bári de Qudayǵa sanawlı. Sonlıqtan qorqpańlar: kóp shımshıqlardan sizler qımbatlıraqsızlar.

Matta 10:29–31

Sonlıqtan ózlerińizge ıqtıyat bolıń.

Malaxiya 2:15

Seniń atıń menen jinlerdi quwıp shıǵarıp júrgen bir adamdı kórdik. Biraq ol bizler menen birge Saǵan ermegenlikten, oǵan tıyım saldıq, – dedi. Iysa Yuxanǵa: – Oǵan tıyım salmańlar. Sebebi kim de kim sizlerge qarsı bolmasa, ol sizlerdiń tárepdarıńız, – dedi. ... Bulardı joq qılıp jiberiw ushın, aspannan ot túsiwin buyırıwımızdı qáleyseń be? – dedi. Biraq Iysa burılıp, olarǵa keyidi.

Luka 9:49–50, 54–55

Eldad penen Medad ordada ózgeshe awhalǵa túsip qaldı, – dep xabar jetkerdi. Jas waqtınan Muwsaǵa járdemshi bolıp kiyatırǵan Nun ulı Eshua: – Mırzam Muwsa, olardı tıyıp qoy! – dedi. Biraq Muwsa: – Sen meniń ushın qızǵanıp atırsań ba? Qáne endi, Jaratqan Iyeniń pútkil xalqı payǵambar bolsa, Jaratqan Iye olardıń ústine Óz Ruwxın jiberse edi! – dedi.

Sanlar 11:27–29

Adam ómirinde jetistiretuǵın Muxaddes Ruwxtıń jemisi – súyispenshilik, quwanısh, tınıshlıq, sabırlılıq, miyrimlilik, qayırqomlıq, sadıqlıq, múláyimlilik hám ózin tutıp biliw.

Galatiyalılar 5:22–23

Iysa Masiyxqa tiyisli bolǵanlar óz tábiyatın qálewleri hám nápsileri menen birlikte atanaq aǵashqa shegelep qoyǵan. Muxaddes Ruwx ómirimizdiń tiykarı bolǵanlıqtan, Onıń jetelewi menen júreyik. Dańqparaz bolmayıq, bir-birimizdiń ashıwımızǵa tiyip, kúnshillik etpeyik.

Galatiyalılar 5:24–26