1 Shaytan Izrailǵa qarsı shıǵıp, Dawıttı Izrail xalqın sanaqtan ótkeriwge iytermeledi. 2 Sonda Dawıt Ioabqa hám láshkerbasılarǵa:
– Barıp, Beer-Shebadan Danǵa deyingi izraillılardı sanaqtan ótkizip, olardıń qansha ekenin biliwim ushın nátiyjesin maǵan alıp keliń, – dedi.
3 Biraq Ioab:
– Jaratqan Iye Izrail xalqın házirgisinen júz ese qılıp kóbeytsin. Taqsır, olardıń hámmesi siziń qullarıńız emes pe? Nege usılay islewdi qálep qaldıńız? Ne ushın Izraildı gúnaǵa batırmaqshısız? – dedi.
4 Degen menen, patshanıń sózi Ioabtıń sózinen ústin keldi. Solay etip, Ioab ketti hám pútkil Izraildı aralap shıǵıp, Erusalimge qaytıp keldi. 5 Ioab sanaq nátiyjesin Dawıtqa bayan qıldı. Pútkil Izrailda urısqa jaramlı bir million bir júz mıń, al Yahudada tórt júz jetpis mıń adam bar eken.
6 Ioab patshanıń buyrıǵına narazı bolǵanlıǵı sebepli, lebiyliler menen benyaminlilerdi esapqa kirgizbedi. 7 Bul buyrıq Qudayǵa da unamadı hám Ol Izrail xalqın jazaladı.
8 Sonda Dawıt Qudayǵa: «Bul isti islep, úlken gúnaǵa battım. Jalbarınaman, qulıńnıń ayıbın keshire gór. Men qattı aqmaqlıq qıldım», – dedi.
9 Jaratqan Iye Dawıttıń wáliyi Gadqa bılay dedi:
10 – Barıp, Dawıtqa bılay dep ayt: «Jaratqan Iye bılay deydi: Men saǵan úsh jazanı usınaman. Ózińe solardıń birewin tańla, keyin saǵan sol jazanı beremen».
11 Gad Dawıtqa barıp bılay dedi:
– Jaratqan Iye bılay deydi: «Mınalardan birin tańla: 12 úsh jıl ashlıq bolsın ba? Úsh ay dushpanlarıń quwdalap, seni qırsın ba? Yamasa Jaratqan Iyeniń qılıshı bolǵan illet Onıń perishtesi arqalı pútkil Izrail elin qırǵınǵa ushıratsın ba?» Endi jaqsılap oylap kórip, meni Jibergenge ne dep juwap beretuǵınımdı sheshiń.
13 Dawıt Gadqa:
– Maǵan júdá qıyın. Adamnıń qolına túskenshe, Jaratqan Iyeniń qolına túseyin. Sebebi Onıń rehimi júdá kúshli, – dep juwap berdi.
14 Solay etip, Jaratqan Iye Izrail xalqına illet jiberdi hám xalıqtan jetpis mıń adam óldi. 15 Quday Erusalimdi joq etiw ushın bir perishtesin jiberdi. Biraq Qudaydıń perishtesi Erusalimdi qıra baslaǵanda, Jaratqan Iye bolıp atırǵan apattı kórip, ashınıp ketti hám xalıqtı qırǵan perishtege: «Jeter endi, qolıńdı tart», – dedi. Sol waqıtta Jaratqan Iyeniń perishtesi ebus xalqınan bolǵan Ornannıń qırman jerinde turǵan edi.
16 Dawıt basın kótergende, qolındaǵı jalańashlanǵan qılıshın Erusalim tárepke sozıp, jer menen aspan arasında turǵan Jaratqan Iyeniń perishtesin kórdi. Sonda aza kiyimin kiygen Dawıt penen xalıq aqsaqalları et betinen jerge jıǵıldı.
17 Dawıt Qudayǵa jalbarınıp: «Xalqıńdı sanaqtan ótkeriwdi buyırǵan men emespen be? Gúna islep, jawızlıq qılǵan men-ǵo. Al mına qoylardıń ne jazıǵı bar? Qudayım, Jaratqan Iye! Ótinemen, jaqsısı, meni hám ákemniń xojalıǵın jazala. Biraq xalqıńnıń illetten qırılıp ketiwine jol qoyma», – dedi.
18 Sonda Jaratqan Iyeniń perishtesi payǵambar Gadqa: «Ebus xalqınan bolǵan Ornannıń qırman jerine barıp, sol jerde Jaratqan Iyege arnap, qurbanlıq orın qursın», – degen xabardı Dawıtqa jetkeriwdi buyırdı. 19 Dawıt Jaratqan Iyeniń Gad arqalı bergen buyrıǵı boyınsha jolǵa shıqtı. 20 Qırmanda biydayın aydatıp atırǵan Ornan artına qaraǵanda, perishteni kórdi. Sonda onıń qasındaǵı tórt ulı jasırınıp aldı. 21 Sol waqıtta Dawıt Ornanǵa jaqınlap kiyatırǵan edi. Ornan Dawıttı kórgende, qırmannan shıqtı da, et betinen jerge jıǵılıp, Dawıtqa tájim etti.
22 Dawıt Ornanǵa:
– Mına qırman turǵan jerdi maǵan ber. Xalıqqa kelgen illet toqtaw ushın, men bul jerge Jaratqan Iyege arnap qurbanlıq orın quraman. Qırman turǵan jerdi maǵan tolıq qunına sat, – dedi.
23 Ornan Dawıtqa:
– Ala beriń! Taqsır, neni maqul kórseńiz, sonı isleń. Mine, ógizlerdi jandırılatuǵın qurbanlıq ushın, túyek aydaytuǵın taxtanı otın ushın hám biydaydı ǵálle sadaqası ushın beremen. Bulardıń hámmesin beremen, – dep juwap berdi.
24 Biraq patsha Dawıt Ornanǵa:
– Yaq, bolmaydı! Bulardı tolıq qunın tólep, satıp alaman. Saǵan tiyisli nárselerdi Jaratqan Iyege usınbayman. Tegin nárseni jandırılatuǵın qurbanlıq etip usınbayman, – dedi.
25 Solay etip, Dawıt bul jer ushın Ornanǵa altı júz shekel altın tóledi. 26 Dawıt sol jerge Jaratqan Iyege arnap qurbanlıq orın qurıp, jandırılatuǵın qurbanlıqlardı hám tatıwlıq qurbanlıqların berdi. Ol Jaratqan Iyege jalbarındı hám Jaratqan Iye qurbanlıq orındaǵı jandırılatuǵın qurbanlıqqa aspannan ot jiberip, oǵan juwap berdi.
27 Bunnan keyin, Jaratqan Iye perishtege qılıshın qınabına salıp qoyıwdı buyırdı. Perishte buyrıqtı orınladı. 28 Dawıt ebus xalqınan bolǵan Ornannıń qırmanında Jaratqan Iyeniń ózine juwap bergenin kórgende, ol jerde qurbanlıqlar shaldı. 29 Shólde Jaratqan Iyege arnap Muwsa qurdırǵan shatır hám jandırılatuǵın qurbanlıq beriletuǵın qurbanlıq orın sol waqıtta Gibondaǵı sıyınıw ornında edi. 30 Biraq Dawıt Jaratqan Iyeniń perishtesiniń qılıshınan qorqqanlıqtan, Qudaydıń erkin biliw ushın ol jerge bara almadı.
1 Patsha Xizkiya bulardı esitkende, kiyimlerin jırttı hám aza kiyimlerin kiyip, Jaratqan Iyeniń Úyine bardı. 2 Ol aza kiyimin kiygen saray basqarıwshısı Elyakimdi, xatker Shebnanı hám jası úlken ruwxaniylerdi Amos ulı payǵambar Iyshayaǵa jiberdi. 3 Olar Iyshayaǵa bılay dedi:
– Xizkiya bılay deydi: «Búgingi kún azap, jaza hám masqarashılıq kúni. Sebebi bala shıǵayın dep awızǵa taqalıp turǵanı menen, tuwıwǵa kúshi joq hayalǵa uqsaymız. 4 Bálkim, tiri Qudaydı aqıretlew ushın mırzası, Assiriya patshası jibergen bas wázirdiń barlıq sózlerin Qudayıń Jaratqan Iye esitken shıǵar hám usı esitken sózleri ushın olardı jazalar. Sonlıqtan tiri qalǵanlar ushın duwa et».
5 Patsha Xizkiyanıń xızmetkerleri patshanıń sózlerin Iyshayaǵa jetkizgende, 6 Iyshaya olarǵa bılay dedi:
– Mırzańızǵa bılay dep aytıńlar: «Jaratqan Iye bılay deydi: Assiriya patshasınıń xızmetkerleriniń Meni masqaralap aytqan sózlerinen, yaǵnıy óziń esitken sózlerden qorqpa. 7 Mine, Men oǵan bir ruwx jiberemen. Sonda ol bir xabar esitip, óz eline qaytıp ketedi. Men onı óz elinde qılısh penen óltirtemen».
8 Assiriya patshasınıń bas wáziri izine qaytıp, óz patshasın Libna qalasına qarsı urısıp atırǵan jerinen taptı. Sebebi ol Assiriya patshasınıń Laxishten shegingenin esitken edi. 9 Assiriya patshası Xabashstan patshası Tirhaqanıń ózine qarsı urısqa atlanǵanın esitip, Xizkiyaǵa jáne elshilerin jiberip bılay dedi:
10 – Yahuda patshası Xizkiyaǵa bılay dep aytıńlar: «Súyengen Qudayıń seni: „Erusalim Assiriya patshasına táslim bolmaydı“, – dep aldamasın. 11 Assiriya patshalarınıń barlıq ellerdi jer menen jeksen etip, neler islegenin esitken shıǵarsań?! Endi sen qutılıp qalmaqshımısań? 12 Ata-babalarım wayran etken Gozan, Xaran, Resef hám Telassardaǵı Edende jasaǵan xalıqlardıń qudayları olardı qutqara aldı ma? 13 Xamat hám Arpad patshaları qáne? Sefarwayım, Hena hám Iwwa qalalarınıń patshaları qáne?»
14 Xizkiya xattı elshilerdiń qolınan alıp oqıǵannan soń, Jaratqan Iyeniń Úyine bardı hám xattı Jaratqan Iyeniń aldına jayıp qoydı. 15 Keyin Jaratqan Iyeniń aldında duwa etip, bılay dedi:
– Kerublar arasında taxtta otırǵan Izraildıń Qudayı Jaratqan Iye! Sen pútkil dúnya patshalıqlarınıń jalǵız Qudayısań! Aspan hám jerdi Sen jaratqansań. 16 Jaratqan Iye, qulaq salıp, esit, kózlerińdi ashıp, kór. Tiri Qudaydı aqıretlew ushın Sanxeribtiń aytıp jibergen sózlerin esit.
17 Jaratqan Iye, ırasında da, Assiriya patshaları xalıqlardı hám olardıń jerlerin wayranladı. 18 Olardıń qudayların otqa taslap, joq qıldı. Biraq olar haqıyqatında qudaylar emes, al aǵashtan hám tastan adam qolı menen islengen nárseler edi. 19 Qudayımız Jaratqan Iye, bizlerdi Sanxeribtiń qolınan qutqara gór. Sonda pútkil dúnya patshalıqları, o, Jaratqan Iye, jalǵız Seniń Quday ekenińdi biledi.
20 Sońınan Amos ulı Iyshaya payǵambar Xizkiyaǵa mınaday xabar jiberdi: «Izraildıń Qudayı Jaratqan Iye bılay deydi: Assiriya patshası Sanxerib haqqında Maǵan etken duwańdı esittim. 21 Ol tuwralı Men, Jaratqan Iye bılay deymen:
Pák qız Sion, seni kemsitip, ústińnen kúler,
Qız Erusalim, seniń izińnen bas shayqar.
22 Sen kimdi aqıretlep, kimdi mazaqladıń?
Kimge dawıs kóterip sóylep, kimge menmensip qaradıń?
Maǵan – Izraildıń Muxaddesine!
23 Elshileriń arqalı Meni aqıretlep bılay dediń:
„Sansız sawash arbalarım menen tawlardıń biyik shıńına,
Lebanon tawlarınıń uzaq janbawırlarına shıqtım,
Biyik kedr aǵashların, jaqsı sárwi aǵashların kestim.
Onıń eń tórine, eń qalıń toǵayına bardım.
24 Men qudıqlar qazdım hám jat ellerdiń suwların ishtim,
Mısırdıń barlıq dáryaların tabanım menen qurıttım“.
25 Biraq bunıń hámmesin burınnan jobalastırıp,
Áyyemgi kúnlerden oylap qoyǵanımdı esitpegen be ediń?
Házir Men sonı orınladım.
Sonlıqtan sen qorǵanlı qalalardı qarabaqanaǵa aylandıra aldıń.
26 Sonda qol-qanatı qırqıldı qala xalqınıń,
Qorqıp, uyatqa qaldı.
Olar daladaǵı kók shópke, jańa shıqqan názik shópke,
Tamnıń basındaǵı, shıqpay atırıp órt shalǵan shópke uqsap qaldı.
27 Men seniń otırıs-turısıńdı, qashan kelip-ketetuǵınıńdı,
Maǵan degen ǵázebińdi, hámmesin bilemen.
28 Maǵan degen ǵázebiń ushın,
Tákabbirligiń qulaǵıma jetip kelgeni ushın,
Halqamdı murnıńnan ótkizip,
Suwlıǵımdı awzıńa taǵaman.
Seni kelgen jolıń menen izińe qaytaraman.
29 Háy, Xizkiya! Sen ushın belgi mınaw boladı:
Usı jılı shashılǵan dánnen ósken ónimdi jeysiz,
Kelesi jılı sonıń ornına ósken ónimdi azıq qılasız,
Al úshinshi jılı dán sewip, ónim alasız,
Júzim baǵların otırǵızıp, olardıń miywesinen jeysiz.
30 Yahuda xalqınıń qutılıp qalǵanları jerge tamır jayıp,
Joqarıda miywe beredi.
31 Sebebi tiri qalǵanlar Erusalimnen,
Qutılǵanlar Sion tawınan kelip shıǵadı.
Bunı Álemniń Jaratqan Iyesi,
Óz qızǵanshaqlıǵı menen júzege asıradı.
32 Sonlıqtan Jaratqan Iye Assiriya patshası tuwralı bılay deydi:
Ol bul qalaǵa kirmeydi, oq ta atpaydı,
Qalaǵa jaqınlamas qalqanı menen,
Qala diywalına topıraq ta úydirmeydi.
33 Kelgen jolı menen qaytadı, qalaǵa kirmeydi.
Bul – Jaratqan Iyeniń aytqanı!
34 Men Ózim ushın hám qulım Dawıttıń húrmeti ushın,
Bul qalanı qorǵap, qutqaraman».
35 Sol kúni túnde Jaratqan Iyeniń perishtesi assiriyalılardıń ordasına barıp, bir júz seksen bes mıń adamdı qırıp tasladı. Azanda oyanıp qaraǵanlar hámme jerdiń óliklerge tolıp ketkenin kórdi. 36 Sonda Assiriya patshası Sanxerib ordanı taslap, izine qayttı. Ol Nineviyaǵa qaytıp kelip, sol jerde jasap qaldı. 37 Bir kúni ol óz qudayı Nisroxtıń butxanasında tabınıp atırǵanda, ulları Adrammelex penen Sareser onı qılısh penen óltirdi hám ózleri Ararat úlkesine qashıp ketti. Sanxeribtiń ornına ulı Esar-Xaddon patsha boldı.
1 Jaratqan Iyeniń Izrail xalqına jáne ǵázebi qaynadı hám Dawıttı olarǵa qarsı qoyıp, Izrail hám Yahuda xalqın sanap shıǵıwǵa iytermeledi. 2 Sonda patsha qasındaǵı sárkárdası Ioabqa mına buyrıqtı berip, oǵan:
– Dannan Beer-Shebaǵa shekemgi barlıq urıwlarǵa barıp, xalıqtı sanap shıǵıńlar, men xalıqtıń sanın bileyin, – dedi.
3 Biraq Ioab Dawıtqa:
– Qudayıń Jaratqan Iye Izrail xalqın házirgisinen júz ese qılıp kóbeytsin. Taqsır, siz de bunı kórgeysiz. Biraq, taqsır, nege usılay islewdi qálep qaldıńız? – dedi.
4 Degen menen, Ioabtıń hám áskerbasılardıń sózinen patshanıń sózi ústin keldi. Solay etip, olar patshanıń janınan shıǵıp, Izrail xalqın sanaw ushın ketti.
5 Olar Iordan dáryasın kesip ótip, Gad jerindegi oypatlıqtıń ortasındaǵı qalanıń qublasına, Aroerge shatır qurıp, sol jerde toqtadı. Sońınan ol jerden Yazerge, 6 Giladqa, Taxtim-Xodshi jerlerine hám Dan-Yaanǵa ótip, aylanba jol arqalı Sidonǵa bardı. 7 Onnan keyin, Tir qorǵanına hám xiw menen qanan xalıqlarınıń barlıq qalalarına bardı. Aqırında, Yahudanıń qublasındaǵı Beer-Shebaǵa keldi. 8 Olar toǵız ay jigirma kún eldi bastan-ayaq aylanıp shıqqannan keyin, Erusalimge qaytıp keldi. 9 Ioab sanaq nátiyjesin Dawıtqa bayan qıldı. Izrailda urısqa jaramlı segiz júz mıń, al Yahudada bolsa, bes júz mıń adam bar eken.
10 Xalıqtı sanaqtan ótkergennen keyin, Dawıttıń hújdanı qıynaldı hám Jaratqan Iyege: «Bul isti islep, úlken gúnaǵa battım. Jaratqan Iye, jalbarınaman, qulıńnıń ayıbın keshire gór! Men qattı aqmaqlıq qıldım», – dedi.
11 Erteńine azanda Dawıt uyqıdan turmastan aldın, onıń wáliyi bolǵan payǵambar Gadqa Jaratqan Iyeden mınaday sóz tústi:
12 – Barıp, Dawıtqa bılay dep ayt: «Jaratqan Iye bılay deydi: Men saǵan úsh jazanı usınaman. Ózińe solardıń birewin tańla, keyin saǵan sol jazanı beremen».
13 Gad Dawıtqa barıp, mınalardı bildirdi:
– Elińizde jeti jıl ashlıq bolsın ba? Yamasa sizdi quwdalaytuǵın dushpanlarıńızdıń aldında úsh ay qashıp júresiz be? Yaki, elińiz úsh kún illetke ushırasın ba? Endi jaqsılap oylap kórip, meni Jibergenge ne dep juwap beretuǵınımdı sheshiń.
14 Dawıt Gadqa:
– Maǵan júdá qıyın. Adamnıń qolına túskenshe, Jaratqan Iyeniń qolına túseyin. Sebebi Onıń rehimi kúshli, – dep juwap berdi.
15 Solay etip, Jaratqan Iye azannan baslap belgilengen waqıtqa shekem Izrail xalqına illet jiberdi. Sonda Dannan Beer-Shebaǵa shekemgi xalıqtan jetpis mıń adam óldi. 16 Biraq Qudaydıń perishtesi Erusalimdi joq qılmaqshı bolıp qolın sozǵanda, Jaratqan Iye Ózi jiberip atırǵan qırǵınnan waz keshti hám xalıqtı qırǵan perishtege: «Jeter endi, qolıńdı tart», – dedi. Sol waqıtta Jaratqan Iyeniń perishtesi ebus xalqınan bolǵan Arawnanıń qırman jerinde turǵan edi. 17 Dawıt xalıqtı qırǵan perishteni kórgende, Jaratqan Iyege: «Gúna islep, jawızlıq qılǵan men-ǵo. Al mına qoylardıń ne jazıǵı bar? Ótinemen, jaqsısı, meni hám ákemniń xojalıǵın jazala», – dedi.
18 Sol kúni payǵambar Gad Dawıtqa kelip, oǵan:
– Ebus xalqınan bolǵan Arawnanıń qırman jerine barıp, sol jerde Jaratqan Iyege arnap, qurbanlıq orın qurıń, – dedi. 19 Dawıt Gadtıń sózine Jaratqan Iyeniń buyrıǵı sıyaqlı qulaq asıp, jolǵa shıqtı. 20 Arawna patshanıń hám onıń xızmetshileriniń ózine tuwrılap kiyatırǵanın kórdi. Ol Dawıttıń aldına barıp, et betinen jerge jıǵılıp, tájim etti. 21 Sońınan ol:
– Taqsır, ne ushın qulıńızdıń janına keldińiz? – dep soradı.
Dawıt oǵan:
– Jaratqan Iyege arnap qurbanlıq orın qurıw ushın, qırman jerin sennen satıp alıwǵa keldim. Xalıqqa kelgen illet toqtaw ushın usılay islemekshimen, – dep juwap berdi.
22 Arawna Dawıtqa:
– Taqsır, neni maqul kórseńiz, sonı alıp, Jaratqan Iyege usınıń. Mine, jandırılatuǵın qurbanlıq ushın ógizler, otın ushın túyek aydaytuǵın taxta hám ógizlerdiń er-turmanları. 23 Taqsır! Men bulardıń hámmesin sizge beremen, – dedi. Sońınan:
– Qudayıńız Jaratqan Iyeniń sizge kewli tolsın! – dep qosıp qoydı.
24 Biraq patsha:
– Yaq, bolmaydı! Sennen bul nárselerdi qunın tólep satıp alaman. Sebebi pulı tólenbegen qurbanlıqtı Qudayım Jaratqan Iyege arnap jaqpayman, – dedi.
Solay etip, Dawıt qırman jerin hám ógizlerdi eliw shekel gúmiske satıp aldı. 25 Dawıt sol jerge Jaratqan Iyege arnap qurbanlıq orın qurıp, jandırılatuǵın qurbanlıqlardı hám tatıwlıq qurbanlıqların berdi. Jaratqan Iye de el ushın etilgen duwalarǵa juwap berdi hám Izrailǵa kelgen illet toqtadı.
1 Jılnama 21 · 4 Patshalar 19 · 2 Patshalar 24 · QrqMK22
Киелі жазбалар бойында біздің ұлы Құдайымыз бізге мақтанышты жек көретінін және оны өте қатаң жазалайтынын көрсетеді. Құдай Сөзіндегі мысалдар бізге жеке адамдардың өз мақтаныштарында Құдайға қарсы тұруға бел буғандықтан, өздеріне және көптеген басқаларға қалай апат әкелгенін көрсетеді.
Мысырдан шығу 5:2-де Перғауын, Мысыр билеушісі: «Иеміз кім, мен оның дауысына бағынып, Исраилді жіберуім керек пе? Мен Иемізді білмеймін, Исраилді де жібермеймін», – деді. Құдай оған Өзінің, Иеміздің кім екенін Мысырға он індет жіберу арқылы көрсетті, олардың соңғысы Мысырлықтардың барлық тұңғыш ұлдарының өмірін қиды.
Дәуіт мақтанышпен Исраилдің барлық жауынгерлерін санағанда, 2 Самуил 24 және 1 Шежіре 21-де, Құдай Исраилге қатты індет жіберді, ол үш күнде Исраилдің 70 000 адамының өліміне әкелді.
Ассирия патшасы Сеннахериб Иерусалимді қоршауға алғалы тұрғанда, ол Яһуда патшасы Езекияға мақтаншақ, мақтаншақ, Құдайды қорлайтын хат жіберді. Ишая 37 және 2 Патшалық 19-да біз Езекияның хатты Құдайдың алдында ғибадатханада жайып салғанын көреміз. Осыдан кейін Құдай бір түнде 185 000 ассириялық сарбазды жойған бір періштені жіберді, бұл Сеннахерибтің ұятпен Ассирияға қайтуына себеп болды.
Даниял 5-те Бабыл патшасы Белшазар Құдайдың Иерусалимдегі ғибадатханасынан алынған ыдыстарды өз мас тойына пайдаланды. Дәл сол түнде Бабыл Мидиялықтар мен Парсыларға құлады, және Белшазар өлтірілді.
Бұл адамдар мен Өзін кішірейтіп, өлімге, айқыш өліміне дейін мойынсұнған Оның арасындағы қандай айырмашылық! Оның ұлы ісі арқылы миллиондаған адамдар мәңгілік құтқарылуды алды.
