1-2 Súyikli tuwısqanlarım, bul meniń sizlerge jazıp atırǵan ekinshi xatım. Men eki xatımda da muxaddes payǵambarlardıń aldın ala aytqan sózleri hám Qutqarıwshı Iyemizdiń elshileri arqalı bergen buyrıǵın eske túsiriwińiz ushın sizlerde pák oy-pikirlerdi oyatıwǵa háreket ettim. 3 Eń aldı menen mınanı bilip qoyıńlar: dúnyanıń aqırǵı kúnlerinde óz jaman qálewlerine eretuǵın mazaq etiwshiler payda boladı. Olar sizlerdi mazaq qılıp: 4 «Iyeńizdiń qaytıp kelemen degen wádesi qáne? Ata-babalarımız dúnyadan ótkennen beri, hámme nárse qalay jaratılǵan bolsa, ele solay turıptı-ǵo», – deydi. 5 Sebebi olar Qudaydıń sózi menen aspannıń júdá áyyemgi waqıtlarda bar bolǵanın hám jerdiń suw arqalı suwdan jaratılǵanın jortaǵa bilmegendey boladı. 6 Sol eski dúnya da usı topan suwınan nabıt bolǵan edi. 7 Al házirgi aspan hám jer bolsa, otta janıw ushın Qudaydıń sol sózi menen saqlanıp, qudaysız adamlardıń húkim etilip nabıt bolatuǵın kúnine shekem qorǵalıp turıptı.
8 Súyikli tuwısqanlarım, tek mınanı esten shıǵarmańlar: Jaratqan Iyeniń názerinde bir kún mıń jılday, mıń jıl bir kúndey. 9 Ayırımlar keshikti dep esaplaǵanday, Iyemiz wádesin orınlawdı keshiktirip atırǵan joq. Kerisinshe, Ol hesh kimniń nabıt bolıwın qálemey, hár bir adam táwbe etsin dep, sizler ushın sabırlılıq penen kútip turıptı. 10 Degen menen, Iyemizdiń kúni urı sıyaqlı kútilmegende keledi. Sol kúni aspan ullı gúrsildi menen joq boladı, aspan deneleri janıp ketedi, jer hám jer betindegi hár bir nárse janıp kúlge aylanadı. 11 Hámme nárse usı tárizde joq bolıp ketetuǵın bolsa, sizler qanday adamlar bolıwıńız zárúr? Sizler muxaddes bolıp jasap, Qudaydıń jolı menen júriwińiz kerek. 12 Qudaydıń kúniniń keliwin saǵına kútip, onıń keliwin tezletiwińiz lazım. Óytkeni sol kúni aspan janıp joq boladı, aspan deneleri de kúshli ıssıdan erip ketedi. 13 Biraq bizler Qudaydıń wádesi boyınsha haqlıq ornaǵan jańa aspan menen jańa jerdi kútemiz.
14 Sonlıqtan súyikli tuwısqanlarım, usılardı kútip júrgen ekensiz, Qudaydıń aldında kemshiliksiz hám minsiz bolıwǵa bar kúshińiz benen háreket etip, tınısh jasańlar. 15 Súyikli tuwısqanımız Paveldiń de ózine berilgen danalıǵı menen sizlerge jazǵanınday, Iyemizdiń sabırlılıǵın qutqarılıw pursatı dep esaplańlar. 16 Pavel barlıq xatlarında usı haqqında sóz etedi. Onıń xatlarında túsiniwge qıyın bolǵan bazı bir jerler bar. Nadan hám tıyanaqsız adamlar basqa Muxaddes Jazıwlardı burmalaǵanı sıyaqlı, bulardı da burmalaydı. Usı is-háreketleri olardı nabıt bolıwǵa alıp keledi.
17 Solay etip, súyikli tuwısqanlarım, bulardı aldın ala bilip qoyıńlar, ar-namıssız adamlarǵa erip, ózlerińizdiń bekkem negizińizdi joytıp qoymawıńız ushın saq bolıńlar. 18 Iyemiz hám Qutqarıwshımız Iysa Masiyxtıń miyrimine bólenip, Onı biliwde ósip barıńlar. Házir hám máńgige Oǵan dańq bolsın! Awmiyin.
11 Solay etip, jańa tábiyatqa iye adamlar arasında grek hám yahudiy, súnnetli hám súnnetsiz, varvar hám skif, qul hám azat adam bolıp bóliniw joq. Al eń áhmiyetlisi, hámme iseniwshilerde jasaytuǵın tek Masiyx ǵana bar.
Маттаның Инжилинде Хожамыз еки мәрте «шығып кетти» (Мт. 13:1; 24:1) деп жазылған. Бул ўақыялардан кейин Ол Өзиниң крестин көтерип шығып кетти (Юҳ. 19:17). Салмақлы ўақыя! Сол крестте гүнасыз болған Ол биз ушын гүнаға айланды (2 Кор. 5:21) үш саатлық қараңғылық ўақтында. Ҳақыйқатында да, Ол қуўып шығарылды (Евр. 13:11), бирақ буннан алдын Хожамыз Өзи шығып кетти: олар Оны тутса да, Ол басшы еди, Оның шығып кеткенинен көринип турғандай.
Булдүнья келешектеги ақырғы ҳүкимде жоқ етилмес бурын (2 Пет. 3), гүнасыз Гүна көтериўши ҳүкимди Өзине алды, барлық Оған исенетуғынлар ушын. Оны қабыл етпейтуғынлар ушын қорқынышлы ҳүким қалады. Оның шығып кетиўи диний, сиясий ҳәм мәдений дүньяның Оны қабыл етпеўиниң ақыбети еди. Бирақ, түсинип болмайтуғын мәрҳамат пенен, Ол бул қабыл етпеўдиң ақыбетлерин Өзине алды — яғный, Оған исенетуғынлар ушын. Крестөлим жазасының ең қорқынышлы түри: Хожамыз бизди қутқарыў ушын сол орынды алыўға разы болды. Сол қабыл етпеў жолында Ол қутқарыў жолын көрсетти ҳәм ашты; Ол керек болған баҳаны төледи ҳәм буның бәри арқалы Қудайды даңқлады.
Оның орынлаған исиниң нәтийжесинде жаңа дүнья басланды. Мәсихшилер толығы менен жаңа дүнья системасына тийисли, онда «Мәсих ҳәмме нәрсе ҳәм ҳәмме нәрседе» (Кол. 3:11). Сол жаңа системада шығып кетиў ҳәм крест жоқ, алдынғыға қарағанда (Аян. 3:12). Толығы менен жаңа ҳәм илаҳий тәртип бар. Биз Оған өте жақынластырылдық, ҳәм Ол бизди Өзине жақын болыўымызды қәлейди: енди шығып кетиў болмайды.
