Kúndelikli nur, 31-oktyabr: Bul Álemniń Jaratqan Iyesiniń sózi

Al Meniń Ruwxım menen tabısqa eriseseń. Bul Álemniń Jaratqan Iyesiniń sózi.

Zexariya 4:6

Jaratqan Iyeniń Ruwxına kimniń aqılı jetken, Yamasa kim Oǵan keńes bergen?

Iyshaya 40:13

Biraq, Quday danalardı uyatqa qaldırıw ushın, dúnya aqılsız dep sanaǵan adamlardı, kúshlilerdi uyatqa qaldırıw ushın, dúnya hálsiz dep sanaǵan adamlardı tańladı. Ol jáne de, dúnya áhmiyetli dep sanaǵanlardı arzımas qılıw ushın, dúnya shıǵısı tómen, pás hám áhmiyetsiz dep sanaǵanlardı tańladı. Quday bunı Óziniń aldında hesh bir adam maqtanbawı ushın isledi.

1 Korinfliler 1:27–29

Samal qálegen jerinde esedi, onıń dawısın esiteseń, biraq qayaqtan kelip, qayaqqa ketetuǵının bilmeyseń. Muxaddes Ruwxtan tuwılǵan hár bir adam da usınday.

Yuxan 3:8

Olar qannan da, deneniń qálewinen de, ya adamnıń qálewinen de emes, al Qudaydan tuwıldı.

Yuxan 1:13

Meniń Ruwxım sizlerdiń arańızda boladı. Qorqpańlar!

Xaggay 2:5

Bul urıs sizlerdiki emes, Meniki, yaǵnıy Qudaydiki.

2 Jılnama 20:15

Bul jerdegilerdiń hámmesi Jaratqan Iyeniń qılısh hám nayza menen qutqarmaytuǵının bilip aladı. Sebebi bul urısta Jaratqan Iyeniń Ózi urısadı.

1 Patshalar 17:47

Sózińdi orınlay gór.

2 Patshalar 7:25

Adamlar Sennen qorqıwı ushın, Maǵan, Óz qulıńa bergen wádeńdi orınla. Sonda meni mazaqlaǵanlarǵa juwap qaytara alaman, Seniń sózińe isenemen. Qulıń bolǵan maǵan bergen wádeńdi esle, Ol arqalı Sen maǵan úmit berdiń. Qay jerde jasasam da, Seniń qaǵıydalarıńdı jırlap júremen. Awzıńnan shıqqan nızam men ushın, Mıńlaǵan altın hám gúmisten bahalıdur. Jaratqan Iye, sóziń máńgi, Ol kóklerde bekkem turadı. Sadıqlıǵıń áwladtan-áwladqa dawam etedi.

Zabur 118:38, 42, 49, 54, 72, 89–90

Quday da Óz erkiniń ózgermeytuǵının wádeni miyras etip alǵanlarǵa ashıq kórsetpekshi bolıp, wádesin ant penen tastıyıqladı. Solay etip, usı eki nárse, yaǵnıy wáde hám ant ózgermeydi. Sebebi Quday olardı aytqanda ótirik sóylewi múmkin emes. Sonlıqtan ózlerimizge berilgen úmitti bekkem saqlawımız ushın, Qudaydan pana tapqan bizler olar arqalı úlken jubanıshqa iye bolamız. Bizlerdiń bul úmitimiz janlarımız ushın kemeniń kóshkisi sıyaqlı isenimli hám bekkem. Usı úmit bizlerdi aspandaǵı Muxaddes shatırdıń perdesiniń arǵı tárepine ótkizedi. Iysa bizler ushın sol jerge bizlerden aldın kirip, Melkisedek sıyaqlı máńgige bas ruwxaniy boldı.

Evreyler 6:17–20

Quday Óz ullılıǵı hám iygiligi arqalı bizlerge júdá úlken hám qımbatlı wádeler berdi.

2 Petr 1:4