Friday, March 28, 2025

Tuwısqanlar! Úmitsiz jasaytuǵın basqa adamlar sıyaqlı qayǵırmawıńız ushın, bul dúnyadan kóz jumǵanlar haqqında sizlerdiń xabarsız qalıwıńızdı qálemeymiz. Sebebi bizler Iysanıń ólip, qayta tirilgenine isenemiz. Sol sıyaqlı, Iysaǵa isenip, bul dúnyadan kóz jumǵanlardı Quday Onıń menen birge qayta alıp keletuǵınına da isenemiz.

1 Salonikalılar 4:13-14

Eger óliler tirilmeytuǵın bolsa, onda Masiyx ta tirilmegen boladı. Masiyx tirilmegen bolsa, onda sizlerdiń isenimińiz biykar boladı hám sizler ele gúnalarıńızdıń biyligi astında jasap atırǵan bolasızlar. Olay bolsa, Masiyxqa tiyisli bolıp dúnyadan ótken adamlar da nabıt bolǵan boladı.

1 Korinfliler 15:16-18

Biraq, Masiyx haqıyqattan da ólimnen qayta tirildi! Ol óliler ishinen birinshi bolıp tiriliwi arqalı ólilerdiń tiriletuǵının dálilledi.

1 Korinfliler 15:20

Pútkil xalıq Iordan dáryasınan ótip bolǵannan soń, Jaratqan Iye Eshuaǵa bılay dedi:

Eshua 4:1

olarǵa bılay dep buyırıńlar: «Bul jerden, Iordan dáryasınıń ortasınan, anıq ruwxaniylerdiń ayaqları turǵan jerden on eki tas alıńlar. Bul taslardı ózlerińiz benen birge alıp, túneytuǵın jerińizge aparıp qoyıńlar».

Eshua 4:3

olarǵa: «Iordan dáryasınıń suwları Jaratqan Iyeniń Kelisim sandıǵınıń aldında aqpay qaldı. Kelisim sandıǵı dáryadan ótip atırǵanda, aǵıp turǵan suwlar toqtap qaldı. Bul taslar Izrail xalqı ushın sol waqıyadan máńgige estelik boladı», – deysizler.

Eshua 4:7

Quday usı Iysanı ólimnen tiriltti, buǵan bizlerdiń hámmemiz gúwamız.

Elshiler 2:32