Saturday, March 22, 2025

Aqshanı súyiwden awlaq bolıp jasańlar. Ózlerińizde barǵa qanaat etińler. Óytkeni Quday bılay degen: «Seni hesh qashan taslap ketpeymen, hesh qashan qaldırmayman». Sonlıqtan bizler batırlıq penen bılay deymiz: «Jaratqan Iye maǵan járdem beredi, men qorqpayman, Ne qıla aladı adamlar maǵan?»

Evreyler 13:5-6

Úlkede dán mol bolsın, Taw baslarında dán ónimleri shayqalıp tursın! Masaqları Lebanon toǵayınday mol bolsın, Qala xalqı jerdegi shóp yańlı kóbeysin!

Zabur 71:16

Ádilliktiń miywesi tınıshlıq, Nátiyjesi amanlıq hám máńgilik qáwipsizlik boladı.

Iyshaya 32:17

Solay etip, ornıńızda bekkem turıńlar. Belińizdi haqıyqat belbewi menen buwıp, kókiregińizge haqlıq sawıtın kiyińler.

Efesliler 6:14

Óytkeni urısımız qan hám etten ibarat bolǵan adam balasına qarsı emes, al bul dúnyadaǵı kózge kórinbeytuǵın hákimlerge, biylewshilerge, bul qarańǵı zamannıń kúshlerine hám aspandaǵı jawız ruwxlarǵa qarsı. Sonlıqtan jaman kúnde olarǵa qarsılıq kórsete alıwıńız ushın hám tolıq jeńiske eriskenińizden soń, bekkem tura alıwıńız ushın, Qudaydıń barlıq sawıt-saymanları menen qurallanıńlar.

Efesliler 6:12-13