Sunday, March 23, 2025

Mine, Men qapı aldında qaǵıp turman. Eger kim de kim dawısımdı esitip, qapını ashsa, onıń úyine kiremen. Men onıń menen, ol Meniń menen birge awqat jeymiz.

Ayan 3:20

Háy, gózzallar gózzalı! Bilmeseń, súriwlerdiń izi menen júr, Shopanlardıń shatırlarınıń janında, Ílaqlarıńdı baq.

Qosıqlar qosıǵı 1:7

Olardıń janınan ketiwim menen, Qálbimniń ashıǵın taptım. Onı qoltıqlap uslap, Anamnıń úyine, Maǵan hámiledar bolǵan bólmege, Alıp kelgenimshe, jibermedim.

Qosıqlar qosıǵı 3:4

Oyan, háy, arqa samalı! Kel, qubla samalı! Baǵımda esip, onıń xosh iyisin tarat! Súyiklim óz baǵına kelip, Onıń saylandı miywelerinen jesin.

Qosıqlar qosıǵı 4:16

Men jasırın da, qarańǵılıqta da sóylemedim. Men Yaqıptıń urpaqlarına: „Meni hesh nárse joq jerden izleń“, – demedim. Men – Jaratqan Iyemen, haqıyqattı aytaman, Men shınlıqtı bayan etemen».

Iyshaya 45:19

Meniń sizlerge buyırǵanlarımnıń hámmesin orınlawdı olarǵa úyretińler. Minekey, Men dúnyanıń aqırına deyin hámme waqıt sizler menen birge bolaman! – dedi.

Matta 28:20

Aqshanı súyiwden awlaq bolıp jasańlar. Ózlerińizde barǵa qanaat etińler. Óytkeni Quday bılay degen: «Seni hesh qashan taslap ketpeymen, hesh qashan qaldırmayman».

Evreyler 13:5

Sebebi qay jerde eki yamasa úsh adam Meniń atım menen jıynalsa, Men olar menen birgemen.

Matta 18:20

Birazdan keyin, dúnya Meni qaytıp kórmeydi. Biraq sizler Meni kóresizler. Óytkeni Men qayta tirilemen, sizler de qayta tirilesizler.

Yuxan 14:19