Tuesday, March 18, 2025

14-Men – jaqsı shopanman. Ákemniń Meni biletuǵını hám Meniń Ákemdi biletuǵınım sıyaqlı, Men de qoylarımdı bilemen, olar da Meni biledi. Men qoylarım ushın janımdı beremen.

Yuxan 10:14

Biraq Quday salǵan kúshli negiz bekkem turıptı. Sol negiz «Jaratqan Iye Ózine tiyisli bolǵanlardı biledi» hám «Jaratqan Iyege tiyislimen, degen hár bir adam jamanlıqtan awlaq júrsin», – degen sózler menen tastıyıqlanǵan.

2 Timofey 2:19

Jaratqan Iye jaqsıdur, Qıynalǵan waqıtta qorǵandur, Qorǵaydı Ol Ózinen pana tapqanlardı.

Naxum 1:7

«Bizler Qudayımızdıń xızmetshileriniń mańlaylarına mór baspaǵanımızsha, jerge, teńizge hám tereklerge zıyan tiygizbeńler!» – dedi.

Ayan 7:3

Haqıyqat sózin, yaǵnıy qutqarılıw haqqında Xosh Xabardı esitip, Masiyxqa isengenińizde, sizler de wáde etilgen Muxaddes Ruwx penen mórlenip, Qudayǵa tiyisli boldıńlar. Qudayǵa tiyisli bolǵan bizlerdiń tolıq qutqarılıwımızǵa deyin bul Muxaddes Ruwx – Qudaydıń bizlerge wáde etken miyrasınıń kepili. Bulardıń hámmesi bizlerdiń ullı Qudaydı alǵıslawımız ushın boldı.

Efesliler 1:13-14

Bizler menen sizlerdiń Masiyx penen bolǵan baylanısımızdı bekkem qılǵan hám bizlerdi xızmetke tayınlaǵan Qudaydıń Ózi boladı. Ol bizlerdi mórlep tamǵa bastı hám bunıń dálili sıpatında Muxaddes Ruwxtı júregimizge jaylastırdı.

2 Korinfliler 1:21-22

Jeńip shıqqandı Qudayımnıń Ibadatxanasınıń sútini qılaman. Sol adam ol jerden hesh qashan shıqpaydı. Onıń ústine Qudayımnıń atın, Qudayımnıń qalasınıń atın, yaǵnıy aspannan, Qudaydıń janınan túsetuǵın jańa Erusalimniń atın hám Ózimniń jańa atımdı jazaman.

Ayan 3:12

Sol kúnlerde Yahuda qutqarıladı, Erusalim qáwipsizlikte jasaydı. Onı «Jaratqan Iye – ádilligimiz», dep ataydı.

Eremiya 33:16