Kúndelik Jarıq

Iysa kózine jas aldı.

Yuxan 11:35

Ol adamlar tárepinen kemsitildi, onnan júz burıldı. Ol qayǵınıń, azap-aqırettiń ne ekenin biletuǵın edi. Adamlar onnan betin jasıratuǵınday dárejede ol kemsitildi, Onı biz adam qatarında kórmedik.

Iyshaya 53:3

Ol – bizlerdiń hálsizliklerimizdi bólise alatuǵın bas ruwxaniy. Onıń Ózi hár tárepleme bizler sıyaqlı sınaldı, biraq gúna islemedi.

Evreyler 4:15

Hámme nárse Quday ushın hám Quday arqalı bar bolǵan. Usı Quday kóp perzentlerin ullılıqqa eristiriw ushın, olardı qutqarılıwǵa jetelewshi Iysanı azap-aqıretler arqalı minsizlikke jetkiziwdi maqul kórdi.

Evreyler 2:10

Ol Qudaydıń Ulı bolsa da, shekken azapları arqalı boysınıwdı úyrendi.

Evreyler 5:8

Quday Iye qulaǵımdı ashtı, Men qarsı shıqpadım, júz burıp ketpedim. Men ózimdi urǵanlarǵa arqamdı, Saqalımdı julǵanlarǵa júzimdi tuttım. Masqaralaǵanda da, túkirgende de júzimdi jasırmadım.

Iyshaya 50:5-6

Sonda yahudiyler: – Qarańlar, onı qanshelli súyer eken! – dedi.

Yuxan 11:36

Sebebi, álbette, Iysa perishtelerge emes, al Ibrayımnıń urpaǵınan bolǵanlarǵa járdem etedi. Sol sebepten Qudaydıń xızmetinde miyrim-shápáátli hám sadıq bas ruwxaniy bolıp, adamlardıń gúnaların tazalaw ushın, Ol hár tárepleme tuwısqanlarına uqsawı kerek edi.

Evreyler 2:16-17