Friday, March 7, 2025

Awa, Jaratqan Iye Óz xalqın súyedi, Ózine baǵıshlanǵan barlıq adamlardı qorǵaydı. Olar Jaratqan Iyeniń ayaqlarına bas uradı, Hám Onıń sózlerin qabıllaydı.

Nızamnıń qaytalanıwı 33:3

Sol waqıtta Jaratqan Iyeden Iliyasqa mınaday sóz tústi: – Bul jerden ketip, shıǵıs tárepke qaray júr hám Iordan dáryasınıń shıǵısındaǵı Kerit sayınıń boyına jasırın. Sen sol saydan suw isheseń, sol jerde seni baǵıwdı ǵarǵalarǵa buyırdım.

3 Patshalar 17:2-4

Sol waqıtta Iliyasqa Jaratqan Iyeden mınaday sóz tústi: – Endi Sidonǵa jaqın jerdegi Sarafat qalasına barıp, sol jerde qal. Sol jerde jasaytuǵın bir jesir hayalǵa seni baǵıwdı buyırdım.

3 Patshalar 17:8-9

– Sonlıqtan sizlerge aytatuǵınım: janıńız ushın ne iship, ne jeymiz dep, deneńiz ushın ne kiyemiz dep táshiwishlenbeńler. Jan awqattan, dene kiyimnen artıq emes pe?

Matta 6:25

Óytkeni usılardıń hámmesin bul dúnyaǵa tiyisli adamlar izlep júredi. Usı nárselerdiń hámmesine mútáj ekenińizdi aspandaǵı Ákeńiz biledi.

Matta 6:32

Shın júrekten Jaratqan Iyege úmit bayla, Óz aqıl-parasatıńa súyenip júrme. Islegen hár bir isińde Jaratqan Iyeni tanıp bil, Ol seniń jollarıńdı tuwrılap turar.

Hikmetler 3:5-6

Barlıq ǵam-táshiwishlerińizdi Oǵan tapsırıńlar. Óytkeni Ol sizlerge ǵamxorlıq qıladı.

1 Petr 5:7